الصراااحة مب عاااارفة اتخذ القرار الصحيح … ساعدوني

مساء الخير

بنات انا في حيره ما يعلم بها الا رب العالمين

واحس عمري في دوامة وراسي يعورني

ما عارفة أتخذ القرار الصحيح

وما عارفة شو أبا بالضبط

انا عندي شغالة صار لها شهرين بالضبط

بس ما أحس براحة نفسية معاها

بخبركم اول عن ايجابياتها :

تعرف تطبخ
بشوشة
تنظيفها مب ذاك الزود بس يالسة تتعلم

سلبياتها :
واااااااااااااااااااااااااااااايد ترمس هدرتها ما تخلص لدرجة إني أطفر منها بس ما اعرف جيف اسكتها

صوتها عاااااااااااااااااااااااااااااااالي

تزعل اذا رمستها ولفت نظرها الى شغلها اذا كان ما عاجبني

ما ترضى تلبس يونيفورم اذا كان واسع شويه

الله يخليكم بنات شو رايكم اصبر عليها والا ارجعها المكتب؟؟؟؟؟؟

مسااء النوور ختيه

ايجاابيااتها وايد حلوه
انها تساعدج بالطبخ ووو

بس تقدرين تغيرين منهاا هزبيهاا مثر لا تعطينها ويه يوم بترمس وايد وقفيها عند حدهاا

تبووز وتزعل >>>> هذا القااموس مش عندي هاي خداامه يايه للشغل مش للدلع والزعل
كلميها وحطي عينج بعينها يوم بترمسنيها خلي شخصيتج قويه في ويهااا قوليلها مره ثانيه ان عليتي صووتج لج تصرف ثاني

واذا على اللبس او اليوني فوورم هذا خليها على راحتهاا بس بعد لازم يكون واسع شويه مب حلوو تايت تترصص في البيت يعني واسع بمعقووول

او اذا ختيه مب عايبتنج ومب مرتااحه حقها وشفتي انهاا ردت لحركاتها رجيعيها المكتب او غيرهاا

انا جي اتعااملت ويا خداامتي طبعي هادي بس وياهن حااد والحمد لله اتوفق في كل وحده اييبها اتخذ وياها هذا الاسلوب من البداايه

هممم اختي حاولي وياها يعني خلج صارمة من البداية ووضحي لها الاشيا لي تبينها وبنفس الوقت اصبري عليها ترى هي ياية ادور رزقتها فلا تستعيلي عليها خصة اذا كانت يديدة ومب مشتغلة قبل يعني تقريبا كلهن جي اول ما ايون وخصة اذا كانت صغيرة فالسن واول مرة تشتغل

خلج طيبة وياها بس بحدود وبيني لها الاشيا لي تبينها منها ونبهيها مرة واثنين والمرة الثالثة الفتي انتباها انج بتردينها المكتب اذا ما التزمت

بالنسبة لرمستها الزايدة فها عادي يعني شوي شوي بتتعودين عليها يعني هالمسالة بسيطة وانها تسولف وترمس احسن من انها ساكتة ومبوزة

وبنسبة لصوتها العالي فها شي لازم تنبهيها عليه لان لو سكتي عنها ممكن عقب يستوي عادي عندها وهالنقطة مب حلوة يعني خلج صارمة وياها بخصوص هالشي

وسالفة انها تزعل اذا نبهتيها على شغلها ها يشمل كلللللل البشاكير اختي وحتى لو تمت تشتغل وياج 4 ولا 5 سنين ونبهتيها على شغلها بعد بتبوز ها مب حقها هي بس ها عند الكل حتى نحن لو اشتغلنا شي وتعبنا عليه ما نحب حد يقولنا انه مب اوك ههههههه يعني هالنقطة طنشيها ماعليج يعني عادي (=

واخر موضوع وهو اليونيفور هممم انا مافهمت عليه هل هي ماترضى تلبسه لانه مب عاجبها ولا لانه واسع ؟

يعني لو مب عاجبها مب مشكلة خليها تلبس ملابس عادية يعني مثلا نحن خدامتنا تلبس ثيابها بس طبعا ممنوع البنطلون ولازم تلبس سروال وحجاب يعني في النهاية لبس محتشم وخصة اذا كان البيت فيه شباب او عنصر الرجال بشكل عام سواء صغار او كبار

اما اذا كانت ترفض اللبس لانه واسع وتبى تترصص فهني يبالج تنازعيها

يعني في امور مافيها واحد واثنين وملزومة انها تلتزم فيها مثل اللبس والطلعة من البيت وطريقة التعامل
واذا ماطاعت وديها المكتب عشان يهزبها شوي

اما الامور الثانية تعتبر اشيا ثانوية فهذي الامور عديها لانها مشتركة بين الكل مب بس عندها

ان شالله ماكون طولت عليج

(=

اجوف انج تردينها افضل لان تغيير الطبع صعب لوكان علشغل مو مشكلة بتتغير بالكلام بس هلشيءجزء من شخصيتها يعني حتى لو مثلت انها تغيرت بس صعب تستمر لان هذا طبعها
أختي ان اقولج هلشيء عن تجربه
والافضل انج تستخيرين الله

اذا مو مرتاحة انصحج لوجه الله لا اتطولين وياها لانها بتم ويها بويهج سنتين يعني هب مدة بسيطة
استخيري و اذا تميتي مو مرتاحة لها رديها عالمكتب
واذا شفتي ان في امور ممكن تعدلينها فيها طوفي
ترى الكمال لله و صعب اتحصلين حد فيه كل اللي تبغينه
ولا تنسين ان هاي وحدة ياية من بلد و من مجتمع غير يعني هب لازم تصبرين عليها لين ما تتأقلم يعني بخصوص الصوت العالي مثلا انا كانت عندي بشكارة لو تسمعينها تتكلم اتحسين انها تصارخ هههههه اخر شي اكتشفت انها وحليلها جي يرمسون ببلدهم
ولا تنسين ان بعد قطع الارزاق هب زين
والله يعطيج خيرها و يبعد عنج شرها

نصيحه اذا بعدها على الضمان رديها ..اقولج هالكلام عن خبره …صدقيني بتطلع عينج لين تكلم سنتين و مشاكلها ما بتخلص …