خلوني استفتح
والله اليوم من اصبحت اصيح صياح
تعبت من تغيير الخدم
هاك الاسبوع رجعت اندونسيه وخليت وحده رغم قدراتها البسيطه الجسمانيه والعقليه
ما تفهم وما تقدر على الشغل قلت بعلمها بس ما شي فايده
اليوم سبع الا ربع انا موعتنها حضرتها مفروض تنش خمس لانها ترقد الساعه تسع فليل
ادق الباب عليها تصارخ عليه تضاربني
هاك الاسبوع بعد كم مره تأخرت الصبح حياتها بس تاكل وترقد
ما منها فايده وبرجعها المكتب
لين متى بتم على هالحال تعبت والله
اختيه العوده تقول لي عقي اثاث غرفة الخدم وانخلي الحجره نخال يمكن حد منهن مسوي لج شي
معقوله من سنه وشي ولا خدامه تيلس في بيتي
مفتشله من ريلي وهوه مقدر يشوف اني احاول وياهن بس ما شي فايده
حاسين باكتئاب انا وهوه
ملينا
والله ملينا
اللي عندها حل تفيدني والله اكتب ودموعي تنزل
استغفر الله العلي العظيم
سامحوني بغيت افضفض
احبكم في الله
والله يعينا على الخدم ومشااااكلهم اللي ما تخلص .
إختي مياسه أنا شراااتج ،،، كثر ما غيرت في هالخدم ليووومج ما ثبتت عندي وحده !!!!!!!!! الكل يستغرب …والكل يأكدلي إنه في شيء موب طبيعي في البيت .. لعلمج أنا من 6 سنيييين وليوووومج ما ثبتت عندي خدامه … !!!
لين ما قلت بسسسسسس ما أبغي خدااامه في بيتي .. والله يعيني على شغل البيت ومجابلة العيال …
بااالي مرتاااح بس تعبانه جسديا .
ومرتاحة منهم ومن مصايبهم الكثيرة ومنافعهم القليلة 
المشاركة الأصلية كتبت بواسطة لوليانو 
والله يعينا على الخدم ومشااااكلهم اللي ما تخلص .
إختي مياسه أنا شراااتج ،،، كثر ما غيرت في هالخدم ليووومج ما ثبتت عندي وحده !!!!!!!!! الكل يستغرب …والكل يأكدلي إنه في شيء موب طبيعي في البيت .. لعلمج أنا من 6 سنيييين وليوووومج ما ثبتت عندي خدامه … !!!
لين ما قلت بسسسسسس ما أبغي خدااامه في بيتي .. والله يعيني على شغل البيت ومجابلة العيال …
بااالي مرتاااح بس تعبانه جسديا .
اختيه لوليانو الله يساعدج وايد تعب بصراحه
ردج هذا قلته ل ريلي من بعد اذنج ما قراه بس خبرته قال فيه ناس مثلنا قتله هيه
اليوم راجع من الدوام وايد مضايج يقول لا من دريول ولا من خدم
انا اقول الحمد لله انه ابتلائنا في الخدم ومب في شي ثاني
اتصدقين من كتبت الموضوع لين قبل اشوي توني يالسه اكرف من اصبحت في البيت
المشكله في اهلي صرت مطنزه عند الكل يضحكون عليه ويتحروني ما اعاملهم زين وانا العكس والله حتى ريلي دوم يقول شدي عليهم اقوله لازم احترمهم عشان هم بشر ومع هذا تصير مشاكل
مع انه معظم اهلي بعد كل كم شهر خدامه يديده واللي عندهم خدامات من زمان ما شي نظافه بالمره ويشتغلون في البيت على كيفهم وموبايلات وتلفزيونات انا ما يعبني جيه انا وايد اركز على النظافه
لا اله الا الله محمد عبده ورسوله
يزاج الله خير
سامحوني غثيتكم
المشاركة الأصلية كتبت بواسطة bellegirl ومرتاحة منهم ومن مصايبهم الكثيرة ومنافعهم القليلة
صدقتي بس اللي عندها فيلا عوده ودورين وملاحق صعب اتخلص كل شي
وهذا حالي
الله يفرجها
