عندي استفسار للأخوات ربات البيوت يعني مو موظفات اشغال يدوية

السلام عليكم حبيباتي ,ابصراحة انا كنت موظفة واستقلت من شهر و انا ضايعة مو عارفة شو اسوي بالبيت وعندي كم سؤال اتمنى تجاوبوني عليه لانه بيساعدني وايد وهي كالتالي:
1-كيف تشغلين وقتج بالبيت؟
2-هل تفضلين خدامة او خدامتين بالبيت(انا عندي خدامتين لانه كنت اشتغل وبخلصون بعد كم شهر وما اعرف اييب ثنتين او وحدة تكفيني)
3-بالنسبة للمصروف كم تخذين من ريلج؟(ابي احدد مصروف حقي لإغراضي الشهرية بليز بنات حابة تخبروني بالضبط كم ؟)

ولا رد

أن شاء الله غير الموظفات يفيدونج ^_^

الله يكون بعونج بس الله يسير لج توني ماعندي خبر بس عسا بنات المنتدى يفيدووونج

فديتج الغاليه انا مستقيله ومن فتره طويله حلاتها يلست البيت عن نفسي
بيتي دور وعندي خدامه عايلتي صغيره وقتي الصبح البس عيالي حق المدرسه وريقهم ووديهم بنفسي(ما اثق بالخدم)
ارجع البيت عندي طيور وحيوانات وحديقه حلوه اطعم طيوري وايلس عندهم واوقات اتريق في الحديقه (لان الجو حلو)
بعدين اتصف النت (ما استغنى عن المنتتدى )
اوقات تلقيني انظف غرفتي وبيتي الخدامه مستحيل تنظيفها نفس تنظيفج (مب دايما وقت الملل)
والظهر اييب عيالي من المدرسه وبريك بسيط واغديهم وبعدين علطور يكتبون واجباتهم واذاكرلهم (تعرفين مدارس خاصه)
العصر بوعيالي يوصل من الدوام طبعا الصغاريه اعطيهم بريك لعب وانا اجابل بو الشباب .
فا ماشي فراغ في حياتي والمصروف على حسب ميزانيت ريلج يعني الحرمه لازم تراعي ظروفه
انا يعطيني مصروف يكفيني وزيد والله بس بعد احاول اقتصد ما احب الاسراف والتبذير
والحرمه اللي تراعي ظروف ريلها تلقينا هو يعطيها بدون ما يحس