كيف انظف الورود الصناعية والتحف في البيت ؟؟ اشغال سهلة

السلام عليكم خواتي الغاليات

عندي في البيت تحف واباجورات و وورود صناعية و براويز … حبيت اعرف كيف اشل الغبار عنها ؟؟

حاولت اتظفها بالفوطة المبلوله لكن ما اقدر اوصل للاطراف وبالنسبة للورود صعب تنظيفها .. فهل عندكم فكرة او هل فيه رش او منظف مناسب لهذه الاشياء ؟؟؟

وجزاكم الله كل خير

فيه رش للورد الطبيعي بتحصليه في محلات الورد وفيه بعد رش للتحف والخشب بتحصلينه في السوبر ماركت والجمعيات إن شاء الله اكون افتج بشي

قبل ما اترشين عليها اي شيء

المفروض تنفضين الغبار عنها يعني تضربينها بعصاة الفرو او الريش مثلا

وعقب تمسحينها باي خلطه عندج

واستعملي فرشاة الاسنان او اي شيء له راس رفيع علشان يدخل في الاماكن الضيقة

انشالله البنات يفيدونج

النبات الصناعي طريقة تنظيفه انج تخليه بكيس وتخلين وياه ملح خشن وترجيه وان شاء الله ينظف لان الملح الخشن يمتص الاوساخ مايصير تنظفيه بماي او اي سائل لان الغراء اللي بيه راح يخرب وبالنسبة للاطراف مثل ماقالت الاخت نظفيها بفرشاة اسنان ناعمة
وبالنسبة للتحف اذا هية صيني عادي تجيبين طشت فيه ماي دافي وتحطيها فيه وتغسليها بعدين تحطيها على فوطة نظيفة وتخليها تنشف او انتي تنشفيها واذا بيها زخارف ونقشات تنظفيها بفرشاة الاسنان
وبالنسبة للخشب المزخرف اللي فيه زخارف ناعمة تجيبين بخاخ بليدج الخاص بالخشب وترشين منه على فرشاة ناعمة وتنظفين بيها الزخارف
ان شاء الله اكون افدتج والله يعينج عالشغل

ان شاء الله يكونو البنات فادوج حبيبتي