اليوم كنا في المستشفى ويا اختي تعبانه من يومين وكنا نتناوب عليها حد ايي وحد ايسر عنها لانه مخلين اليهال في البيت
وانا من رديت الساعه 11 دشيت ورقدت من التعب لاني ناشه من الساعه 5 ونص في المستشفى وداومت وعقبها على طول المستشفى لانه اختي مقررين عليها عمليها (أدعولها الله يخليكم )
المهم وع الساعه 1 ونص سمعت صوت صريـــــــــــــــــخ اخويه نشيت وكضت تحت اشوف شو الي مستوي ويوم نزلت حصلت اخويه ومرته والبشكاره اسئلهم شو السالفه شو مستوي ؟؟
بشكارتهم عيوز في الخمسين شكلها لوعه عندها احفاد وماتوقعنا مول انها تسوي هالشي
اخويه وحرمته كانو يطالعون بيتهم الي ينبني ويالسين يتناقشون عن البيت من حجرت امي لانه امي بايته وياختي المهم جان تنتبه انه شي يتحرك تحت زاغت جان تنبه اخويه حاولو يشوفون شو الي يتحرك بس ما قدروا جان يقول حق حرمته انتبهي على الي تحت وين بيتحرك وانا بنزل بزخه يتحرون حرامي ولا شي المهم نزل اخويه توه فاتح باب المطبخ جان يشوف بشكارته لابسه كت وحنز ومتعجل فول ميكب وفاجه الشعر ومطلعه الصدر اخويه انصدم جان ترد عليه الوقحه هاي سير؟؟؟؟؟؟!؟!؟!؟؟!!؟
وعقب نزلت مرت اخويه وتمو يستجوبونها بس ماطاعت ترمس المهم اخر شي يبولهم الشرطه وجلعوهن كلهن الثلاث لانه ع الصريخ نزلو خواتي وفتشو الحجره وحصلو تيلفونات ومصورين صور وصخه وحاله والعيوز مب في الدنيا ونحن تحرينها سكرانها والشرطي عرف انه مب سكرانه ماخذه شي ثاني هيروين ولا شي اقوى لانه مب في الدنيا
المهم تحملو على عمركم وعلى عيالكم لانه حركاتهم وخبثهم قام يزيد
ادعولنا هالاسبوع مووووووول مب مترقعين
البشاكير ما ايي منهم غير الصدعه وعوار الراس …
الله يعافي اختج و يصبركم و يفرج همومكم يا رب ..
الله ياخذهم …
ربي يعافي اختج وتقوم بالسلامه انشاءالله …
وبصراحة الله يسخرهم لنا بقدرتة
أهم من عوالم غريبة وماعندهم مناقيد
وربج الحافظ
وان شالله أختج ماتشوف شر
الله يشافي اختج يارب ويقومها بالسلامه ويفرج همكم يااارب….