شو احسن ؟؟الطابق و لا الطابقين؟؟؟ارجو التفاعل عمل يدوي

خواتي الغاليات ارجو المشاركة كي نستفيد من ذوات الخبرة ::
انا ببني بيت و مب عارفة اسوي دور و لا دورين ؟؟ شو احسن ؟؟
اذا كان دور؟؟ ليش؟؟
و اذا كان دورين(طابقين)؟؟ ليش؟؟
يعني وضحولنا السلبيات و الايجابيات::

انا افضل دور .. لانه بيكون على قدي ومب متعبني ولاني مابغي شغاله

لكن هالشي يختلف للعندها 4 او 5 عيال وشغاله وين بتحطهم اكيد يبالها دورين

ويختلف بعد اذا بتبين بأرضج ولا بجزء من ارض العائله
اذا بأرضج بيكون بيت العمر يعني لازم يكون دورين للمستقبل
واذا جزء من ارض العائله يكفي دور وصغير بعد >>ليش الخسر وبا الاخر بتبنون بيت لكم

اذا برأيي
ربنا يرزقنا ويكون لنا بيت

هلا اختي ام رفاه

بنظري الارضي حلو .. بس ساعات الارض اتكون اصغيره .. فالاحسن الطابقين .. عشان ما تاخذين من الارض .. ويتم شوي مساحه في الحوي ..

عشان جي الكل ايسوي دورين ..

اتمنى اني اكون افدج

مشكوره الغالية

أنا أفضّل دور واحد … طبعاً هذا في حالة اذا الأرض كانت كبيره … إما اذا كانت الأرض صغيره فيفضل دورين …عشن تكسبين مساحة الأرض
وطبعاً في حالة الدور الواحد لازم تكون الغرف كلها منعزله عن الصاله والميلس … يعني قسم الغرف غير عن قسم الجلوس والترفيه ويكون في ممر يوصل بينهم عشان الخصوصيه والهدوء …
ليش أنا أفضل الدور الواحد … لأني أبا أكون ويا عيالي .. يكونون قريبين مني … تواصلي وياهم يكون أسهل … في حالة الدورين تلقين كل حد في صوب … حد منهم فوق وحد تحت … أما الدور الواحد يلم الأسره أكثر ..
هذي وجهة نظري …

مشكورين ..
انا كنت افكر بلمت اعيالي بعدين احس الدورين يفرقهم ..

اولا يعتمد على عدد أفراد الأسرة…بالنسبة لي وبما ان عددنا صغير فأفضل دور واحد، جيه اتحسين العايلة ملمومة ومتقاربة، اما لما طابقين فكل واحد في حاله…انتي ممكن تبنين حاليا طابق واحد اذا بيسدكم بس اتسوون اساس طابقين عسب في المستقبل اذا احتجتوا تبنون الدور الثاني