بخبركم خواتي عن تجربتي البسيطة.. واسمحولي بدون صور..
المهم، عندي المرحاض لونه فاتح (وردي).. وكان فيه بقعه مستعصيه ماتخوز.. كل مره البشكاره تفرك وتنظف بس ماتخوز البقعه.. وييت أنا وحاولت بعد افرك وأنظف ما البقعه هي هي ماتخوز.. جان اطيح عيني على كلوركس (وانا عندي هالكلوركس من زمااااان واريد افره في الزباله لأنه منتهي.. بس مافريته خفت حد يلعب فيه).. المهم صبيت كلوركس في المرحاض، وشوي والا اطيح عيني على ديتول الاخضر الطويل، عرفتوه؟؟ المهم بعد صبيت شوي منه.. وخليتهم في المرحاض يمكن اقل عن ساعه.. وعقب ييت وسحبت السيفون الا البقعه مااااااااااااااشي!!! اختفت والمرحاض نظيييييف ومعقم ويفتح النفس هع هع… وقبل شوي لاحظت ان المرحاض في بقع صفرة وسويت نفس الطريقه وخليته بس يمكن ربع ساعه والحمدلله خازت البقع
يلا جربوا وادعولي 
واللي تجرب اطرشلي عالخاص قصة تجربتها ههههه
خدامتنا تنظف شو يسمونها ..الصحن اللي تقصين فيها الخضره ..عرفتوها ..^.^..
تنظفها بالكلوركس قطاعة اليدام و قطاعة الخضره و تنظف المغسله عشان يروح منها البقع البيضه..
تخليها نص ساعه او اقل الا وكل شي جنه يديد..
بس اهم شي تسوين هالطريقه اخر الليل يعني يوم انه محد بيستعمل المطبخ من باب يكون كل شي معقم ونظييف..