بنات ممكن احسن وانظف طريقه ترشدوني فيها اني اغسل حمامي
والسموحه
اوللللل شي القفازات ضروري عشان ايادينا الحلوة 
بعدين تييبين صابون اريال و اخلطه مع شوي جف و كلوور …….مشكلة عاد الخلطااات
بعدين تييبين إسفنجة تحطينها في الصابون و تفركين فيها حوض غسيل اليد ..
و تييبين فرشان من هاذيلا الكبار.. تفركين فيها البانيو ..
و اخيرا تيبين فرشاة مخصصة للسيفون الله يعزج و تحطين من الصابون و افركي
طبعا آخر شي إغسلي الاحواض بماي
و اخرطي الماء اللي إنسكب على الارض
بالنشبة لارضية الحمام تكرمين حطي ملح الليمون او فلاش على الارضية و اتركيه 15 دقيقة بعدين اخرطي الارضية و شوفي النظافة
اتمنى اكون ساعدتج
قالت اول شي تغسل المغسله والبانيو والمرحاض بصابون وكلور وماي وتفرك بالليفه وهالأدوات .. وبعدين تشطف بالماي .. وعقب اتخصص غرشه ماي مالت لتر ونص بس حق غسيل الحمامات وتترسها ماي وتحط فيها غطا مطهر مثل ديتول بس هي -بنت خالتي- تستخدم مطهرات ثانيه ريحتهن حلوه مثل الورد ولا الصنوبر مثل مطهر اظن اسمه داك .. المهم تحط مع الماي شويه من المطهر وترشه على كبر الحمام وعقب تنشفه بهاذي العصا السودا مالت التنشيف ماعرف شو اسمها خخخ .. وآآآخر شي .. اتيب فوطه أو قطعة تنظيف مخصصه لتنظيف الحمامات تمسح بها المغسل والمرحاض لأن الماي يوم ينشف بروحه يمكن يعلم .. وبعد قالت بين يوم ويوم تخلي الخدامات يغسلن اليدران لأن في ناس وايد ينسوووون موضوعهن ويغبرن
ان شاء الله ردي يفيدج
اول شي البس القفازات والكمامة عالخشم لاني ما تحمل الروايح القوية..
2 اصب هيرباك في المرحاض واسكرة خل تتخمر الوصاخة خخخخخخخ..
3 ارش ملمع الزجاج على المنظرة واخليه..
4 اصب فالسطل ماي حار مع صابون استخدم صابون المواعين! و كلوركس
واغمس الليفة وابدأ بالمغسلة افركها زين من داخل وبرع
بعدين بالفرشاة افرك البانيو كامل واليدار اللي صوب البانيو لانه احس اكثر يدار يتوصخ
وبالليفة افرك الدوش الرشاش كامل من داخل وبرع..
5 ارجع للمرحاض وافركه بالليفة الخاصة مالته من داخل ومن برع الليفة اللي استخدمتها للمغسلة والدوش..
انزل السيفون..
6 ارد لمنظرة الحمام وانظفها بالمساحة الخاصة نفس اللي يستخدمونها في شيشة البترول..
7 اغسل الحمام كامل بماي.. وامسحه
8 امسح المغسلة والحنفيات بفوطة ناشفة.. و اخيرا تكون شبه مبلله امسح بها الكيبلات ومقبض الباب..
9 وفي الختام رشة معطر
وسلامتج الغالية..
تييبين هاربيك الازرق وتمسحين منه على البانيو من الداخل بالكامل بالاسفنجه طبعا ..كانج تدهنينه وتخلينه 5 دقايق بس ..
وبعين عالخفيف تدعجين البانيو والوسخ بينزل بسرعه ووالله بتلقين لمعان مو طبيعي ..انا بس امسك الشطاف وارش البانيو بالقووو ويصير لمااااااااااع ..