مشكلتي مغ الغساله الاوتوماتيكيه شغل يدوي

مرحبا خواتي ………

اتمنى اني استفيد من خبراتكم في مشكلتي ………. غسالتي اوتوماتيكيه وانا مرتاحه وياها واااااااايد لملابس انا وعيالي والحمد الله بس المشكله في كنادير ريلي …………….. بعد ما اخلص الغسيل احصل نفس الوسخ لونه اسود منتثر على الكندورة ولما اشيله عادي يروح بس يترك اثر ولازم ينغسل مره ثانيه … غسالتي نوعها (LG) …. ودايما انظفها من الداخل ….لو اي وحده فيكم عندها حل لهذي المشكله ما تبخل علي ….. وانا سمعت ان في صابون خاص لهذي الغسالات يستخدم كل 6 شهور لتنظيف الغساله ؟؟؟ اريد رايكم في الموضوع …..

في انتظاركم

بما انك تقولين غسالتك مريحة يمكن من المساحيق يلي تستخديمها مو زينة بعدين انقعيهم بفانتش او حطي ويا الغسيل وانشالله تروح البقع

بعد انا لاحظت هالشي على ملابس بو العيال..
بس ماعرفت شو الحل..

الغاليه سوي شراتي
كل كمن يوم شغليها و لا تحطين فيها ثياب
خليها تفتر بدون ثياب بس حطي لها خيار الشطف
بتلاقينها نظفت و شوي شوي بيخف هالوصخ
هذا من آثار الملابس القطنيه تنزل في الفلاتر و توصخ الملابس الساده

انا ما اعرف كيف ممكن يسير الوصخ ..
بس انت حاولي ما تنظفين الكندورة وهي مبللة ..اتريي يوم بتنشف انفظيها

تسلمون خواتي على الرد وبجرب نصايحكم .