ترتيب الشاي والقهوه اشغال يدوية

هلا عزيزاتي ،،،

حبيت انكم تستفيدون من طريقتي في ترتيب أكياس الشاي والقهوه

باختصار ،، انا عايشه في شقة ،، وكبتات المطبخ ما تسد الأغراض ،، وترتيبهم صعب

البارحة كنت قاعده ارتب فالمطبخ ،،واتاكد من صلاحية الاغراض ،، الواحد ما يقدر يعتمد على البشاكير ،، حتى لو كانت متعلمه

وكانت عندي مشكله في علب القهوه والشاي ،،، خاصه ان استخدامهم دائم ،، وحبيت ان الوصول لهم يكون سهل وبنفس الوقت ما ياخذون مساحه بالكبت

وكانت عندي سله فاضيه ،، فتذكرت كيف ان الاجانب يحبون يهدون دايما في سلال ،، مثلا سله مليانه أغراض للحمام ،، أو سله مليانه حلاوة او اكل ،، مثل الصوره اللي تحت

عاد انا قمت وخذيت الاكياس والبوكسات اللي عندي ورتبتهم في السله ،، بس بعض الاكياس ما سدت المكان ،،، مثل اكياس النسكافيه ،، فخذت كوب بلاستيك وحطيته فيه فيه شويه من الاكياس ،، وكوب ثاني فيه نوع ثاني من القهوه

وهذا اللي طلع وياي

ممكن انكم اترتبون السله اكثر ،،، مثلا اتحطون شريطه تحت ،، او اكواب البلاستيك اتكون ملونه ،، خاصه اذا كان مطبخكم مفتوح

كثير حلوة الفكرة

تسلمي و الله

نفس الشي أنا مسويه … لأني يالسه بيت أهل ريلي … وجناحي ما فيه مطبخ … سويتلي زاويه حطيت فيها مكتبه حطيت فيها الأكواب والخواشيق وعلى طاولة صغيره .. يم حرارة الماي حطيتلي نفس سلتج فيها كل أغراض الجاي والقهوه وساعات أحط فيها بسكوت …

الصراحه فكره وايد عمليه .. حتى ريلج بيستسهل ان يخدم نفسه بنفسه بدل ما يعتمد عليج …

يعطيج العافيه

تسلمييييييييين على هالفكرة الحلوة
وربي يعطيييييج العافية

تسلمين يالغالية وايد روعة

أشكركم على تجاوبكم

*زكيه الذكيه*
فكرة البسكويت حلوه ،، خاصه اذا حاطتنها بعلبه زجاجيه ،، واذا كان البسكويت حجمه صغير ،، بعد ايكون احلى لانج تقدرين اتحطينه مع صحن الشاي

*miss pink*
ممكن اتحطينهم بصندوق ،،،

او ممكن اترتبين اكياس الشاي في بوكس ،، خاصه اذا كان عندج انواع مختلفة من الشاي ،، ممكن تستخدمين بوكس الشاي tea chest

وحلاة هذا البوكس انج ممكن تستخدمينه يوم ايون عندج ضيوف وبروحهم يختارون نوع الشاي اللي يفضلونه