جيف حالكم خواتي إن شاء الله بخير
بغيت نتحاور ونتناقش عن سالفة بنااااء بيت الأحلام صدق أستوى بيت الأحلام
كل وحده تدخل وتشاركنا للإستفاده
بغيت أعرف كيف كان قبل 5 سنوات قبل مشكلة الغلاء اللي حاصل وقبل 3 سنوات والحين بعد الأزمه الإقتصادية
كم تكلفة بناء البيت ؟
كم عدد الغرف ألخ ؟
في أي سنة بدأ البناء ؟
هل أستعنتوا بالمؤسسات الحكوميه للمساعده كالمنحه أو القرض أو أعتمدتوا على عماركم ؟
وممكن بعض النصايح من تجربتكم
ويزااااكم الله خير
القرض طلع لنا عقب 6 سنوات
كم تكلفة بناء البيت ؟
9200000 وأسهلها عليكم علشان ماتعدون الاصفار تسعة مليون ….الله يعييينا يارب
كم عدد الغرف ألخ ؟
الفله الرئيسية 7غرف وميلس وصاله داخليه وملحق خارجي مطابخ وغرفة السايق عند الباب الخارجي
واربع فلل استثمارية
في أي سنة بدأ البناء ؟
2024 ومتفقين ان المدة في 14 شهر ..الله يسهل علينا يااااااااب
هل أستعنتوا بالمؤسسات الحكوميه للمساعده كالمنحه أو القرض أو أعتمدتوا على عماركم ؟
استعنا بالهيئة القروض مليونين و الباجي كفخناها سلفية من مصرف ابوظبي الاسلامي شو نسوي اذا مابنينا الحين متى بنبني .. بس الحين البنك وقف القروض للبناء مانعرف شو عندهم بس زين اللي كانوا قبل مقدمين بسلمونهم والا اللي الحين طالب مايمشونهم ..
وطبعا البنيان تعب ومراكض للمقاولين والاستشارين وعقب لازم نكون معاهم متابعين حتى في ارض المشروع …
نحن طبعا من استوى البنيان سعره يرتفع قلنا احسن نبني الحين عن لايزيييد اكثر بعد البنيان ..
واي استفسار انا حاظره اختي ..
والله يسهل ياااااااااارب
بس الي اعرفه انه البنا في المناطق الشماليه لرخص عن العاصمه بوااااايد
يتكون من 3 غرف نوم وحماماته وصاله ومجلس ومطبخ اما انا اريد ابني اضافه غرفتين وحمامين طلب علي 600000 درهم مع انه بعد ازمة الاقتصاد المفروض خف بس المقاول معاند ينقص يقول ما شي نزل بس دعايا في الجرايد وما اقول الا الله كريم وطبعا يكون قرض من البنك لأنه الاسكان ما يعطينا لأنا ما نملك ارض نبني عليها ساكنين ويا أهل الزوج