خواتى مثل الكل ما عرف عن القرار اليديد بان عيالنا لازم ايداومون الين 21/6
والقرار هذا ياى من الوزاره مش من المنطقه التعليميه
لازم الجميع يتحد ونشتكى سواء بالأتصال الى الوزاره
او من خلال البث المباشر على الاذاعه
لانه صدق حرام
اليهال مخلصين منهج ومخلصين حفل تكريم الاوائل لنهايه هذى السنه فشوووووووووووو
الداعى للحضور والدوام فى عز الحر
يعنى ما فى سبب مقنع لهذا القرار
ولما اتصلنا على المدرسه اتصوروا شووووووووووووووو
يقول المدرسين
ايقولوا نحن مخلصين المنهج بس شووو انسوى هذا القرار الى وصل
يعنى حتى المدرسين مقهووووووووووووووووورين من هالقرار
الحين كل ام لازم تشارك ولو باتصال الى الوزاره فقط لنعلمهم باننا غير راضين عن قرارهم
عساهم بس يحسووووووووووووون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
طنشي الوزارة وشوبيسون بسقطون اليهال؟لاااا
والابنقصون درجاتهم
بس عادالجوحار ويسيرون ع الفاضي والله انا من ثاني اسبوع من شهرخمسة ماطرشتهم
وحتى امتحانات الابتدائية من صف اول لي الثالث ترا مب محسوبة ولاطرشت عيالي
حبيبتي طنشيهم وخلي عيالج بالبيت
وايد مدارس والله بعدهم مداومين مع انه ماشي شئ ولايدرسووووون
وصدقيني حتىالمدرسات والمدرسين يتمنون محد يسيرالمدرسة
عاد انا ووايد امهات مطنشين
الحين محد يسيرالمدرسة الا الامتحانات
الوزارة اصلا يوم بتسال ليش محد مداوم ابسط اجابةالاهالي ماطرشواالعيال شوبيسون؟
فنصيحتي لاتطرشين حد
المشاركة الأصلية كتبت بواسطة ودي بقلبك 
طنشي الوزارة وشوبيسون بسقطون اليهال؟لاااا
والابنقصون درجاتهم
بس عادالجوحار ويسيرون ع الفاضي والله انا من ثاني اسبوع من شهرخمسة ماطرشتهم
وحتى امتحانات الابتدائية من صف اول لي الثالث ترا مب محسوبة ولاطرشت عيالي
حبيبتي طنشيهم وخلي عيالج بالبيت
وايد مدارس والله بعدهم مداومين مع انه ماشي شئ ولايدرسووووون
وصدقيني حتىالمدرسات والمدرسين يتمنون محد يسيرالمدرسة
عاد انا ووايد امهات مطنشين
الحين محد يسيرالمدرسة الا الامتحانات
الوزارة اصلا يوم بتسال ليش محد مداوم ابسط اجابةالاهالي ماطرشواالعيال شوبيسون؟
فنصيحتي لاتطرشين حد
وانا معاك يا أختي …
كل يوم محتشرين علينا …
طنشناهم صراحة و سوينا اليوم حفلة حق اليهال و عطيناهم الهدايا .. و قلنا حق الاهالي ترانا امخلصين
و جان تبون اتيبون عيالكم المدرسة حياهم (اونه عاد) .. و مناك محد ياي…
بس شو سوينا … ما عطيناهم شهادات عسب ماحد يقول انه نحن نهينا الدوام….
تخيلوا انه انا الموجهه حظرتلي يوم الاحد… مافي إلا كم من واحد… و المنهج امخلص…
لا و ناوية اتيي شكلها حق بعض المدرسات.. تستهبل…
كل يوم طلعو لنا قرار ..
احيد ايامنا كنا نخلص شهر خمسه ونداوم شهر تسعه … احينا حتى اليهال يداومون ليه نهاية ستة .. ويداومون شهر ثمانية .. وين عايشييييييين ؟؟؟!!
مساكين هاليهال بيكرهون المدرسة ..
الله يستر يوم بيكبر ولدي كيف بيصير الدوام …
الصراحة المفروض أولياء الأمور يعترضون وما يرضون بهالقرارات ..
اصلا ما يقدرن يداومون في هالحر بعدين ليش يداومون دام انهم مخلصين المنهج