.
.
الادوات : خيط عادي وسنارة حجم 1.6 او 1.7
1- نبتدي بعمل 10 سلاسل ( عدد السلاسل يعتمد على قياس قدم البيبي)
2- بعدين على كل سلسلة غرزة حشو
3- ونكمل لين ما نسوي 12 سطر (طبعا على حسب قياس البيبي)
4- انحدد المستطيل بغرزة الحشو .. هالخطوة مب ضرورية .. بس عسب يطلع الشغل مرتب ^^
5-على كل غرزة حشو اعملي غرزة العمود .. سطرين بس
6-هذا شكله
7-وانحدده بغرزة الحشو .. مثل ما قلت هالخطوة مب ضرورية
الحين نبتدي بعمل غلاف الsocks
8-مرة ثانية ابتدي بعمل 8 سلاسل
9-بعدين عمود + سلسلة + عمود + سلسلة لين ما يخلص السطر ..
السطر الثاني العكس .. مكان العمود سلسلة ومكان السلسلة عمود
10- انحدده بطريقة الحشو .. بس هالمرة هالخطوة ضرورية ^^
11- هذا شكله
12-انحطة في مقدمة الsocks ونلصقه بطرقة الحشو
هذي النتيجة النهائية
شو رايكم ؟؟ سهل ولا؟؟
طبعا تقدرون انتو اتبدعون في الديزاين وتزيدون عليه ..
مثلا اتزيدون من فوق واتخلونه على شكل بووت.. و اتزينونه بالورد والشرايط
اتمنى يكون شرحي واضح واي استفسار انا حاظرة ^.*
اتريا الابداعات
في امان الله
يزاج الله خير
أقول الغلا الخيط عايبني ما شاء الله
من وين ماخذته؟
عندي كل الأدوات .. وبحاول أسويها
تسلم الايادي
المشاركة الأصلية كتبت بواسطة فجر الإمارات 
يزاج الله خير
أقول الغلا الخيط عايبني ما شاء الله
من وين ماخذته؟
من محل بيع ادوات الخياطة رحت كذا محل ولقيته .. في منه الوان
حلو ماشاء الله
عندي كل الأدوات .. وبحاول أسوها
تسلم الايادي
في الانتظار ^.*
تصدقين من شوي كنت أسوي جوتي تكرمين وخلصته الحمدلله بس باجي اللمسات الأخيرة ^^ وإن شاء الله بحط لكم الصور بس للأسف نسيت أصور لكم الخطوات 
وتسلمين يالغاليه ع الشرح الواضح ^^ وربي يوفقج حبوبه