السلام عليكم ورحمة الله وبركاته
حابة أستفسر عن سيراميك راس الخيمــــة, وين أكبر صالة عرض فالامارات الشمالية؟؟
يعني أي موزع لسيراميك راس الخيمة عنده صالة عرض كبيرة أقدر أشوف فيها كل أنواع السيراميك وأطقم الحمامات؟
أنا سرت الموزع اللي ف دبــــي بس واااايد صغير ومب عارض أشياء مميزة، عطاني سي دي وقال لي اختاري منه، بس الصور في السي دي مب واضحة.
أبغي أعرف أقدر أروح المصنع الرئيسي ف راك واختار منه عقب أطلب من الموزع؟؟
لأني اتصلت للمصنع الرئيسي وقالوا لي أسعارنا أغلى من الموزعين بنسبة 50%
اللي راحت الشارجة أو عجمان وشافت بضاعتهم ياريت تفيدني ولها الأجــــــــر ان شااااااء الله.
الغاليا روحي المصنع براك وخذي معاش قلم ورقة وشوفي التصاميم عندهم وسجلي رقم السيراميك اللي يعيبش وبعدين روحي المحلات واطلبي من عندهم لان المصنع غالي
للرفع
الغالية المعرض اتعرفين الطريج الجديم الي ايودي راس الخيمه يعني الطريج الي كنا نستخدمه قبل ما ايسوون شارع الامارات اهناك مكانه مجابل الحمرا مول تقريبا ومثل ما قالولج الاسعار اغلى فانتي خدي وررقة وقلم واكتبي ارقام السيراميك الي ايعيبونج وعقب سيري الموزع وعطيه الارقام وهوه بيوفره وطبعا اهناك تقدرين اتصورين الدزاينات لان ما شا الله ديزايناتهم وايد حلوة … وبالتوفيق
سيراميك رأس الخيمه عارضين كل شى وحماماتهم مرتبه ومركبه خذي أفكار بس قبل لاتختارين لازم تسألين موجود ولا للتصدير برا لآن في أشكال للتصدير برا
ومنكم نستفيد
