هالعيد حبيت اجهز أظرف العيدية بنفسي
و حبيت افيدكم ^^
في البداية
للي نحتاجه :
– باترن الخروف
– قطعة لبادة بيضة و ثانية سودة ( ممكن نستبدلها بالورق المقوى)
– العيون المتحركة ( مب الزامي بس يطع الخروف احلى)
– مقص
– صمغ
– شريط لاصق
– اظرف جاهزة
جميع المستلزمات متوفرة بمكتبة دبي للتوزيع ^^
نبتدي الشغل
نطبع الباترن و نقصه
بعدين انلصقه ع القطعة بواسطة الشريط الاصق عسب انثبته
و هذا شكل الجسم و الراس بعد القص
مجموعة الخراف للي سويتها بعد لصق الراس بالجسم
و الحين نييب الاظرف ( تكون بحجم صغير مناسب للعيدية)
انا اخترت الاخضر لاني حسيته يتناسب ويا الخرووف ^^
الشكل النهائي
ممكن كتابة ( كل عام وانتم بخير) ع الظرف بالجليتر
و كل عام وانتو بخير مقدماً
وعليـكم السـلآمـ
رووعة بـمعنى الكلمة ,, 
اممـ هالعـيد ما آعرف شو أسوي ,, خأطـري شـي ممـيز ,, !!
بـس فــكرتج ممــيزهـ ,,
عسآج من عـوادهـ
تسلم هالانامل