اثاث واكسسوارات البيت .. والسوق الصيني .. شاركوني برايكم

.
.

بنات انا بكمل الحين سنتين تقريبا من سكنت في بيتي مع بعلولي العزيز ^^

للحين ما اثثت بيتي كله .. ابا اشتري اشيا مثل : خزانة للملابس .. طاولة كمبيوتر .. سجاد .. اكسسوارات مثل اباجورات ومفارش للطاولات + مزهريات +ورود + اكسسوارات للممرات + سوع للحائط + اكسسوارات للحمام + اكسسوارات للمطبخ .. الخ << حشا ما خليت شي >< خخ

فشو رايكم .. وين احسن مكان للشراء بحيث احصل الجودة والسعر المناسب

ايكيا ؟؟ ولا السوق الصيني ( التنين ) .. ولا هوم سنتر ؟؟؟

اختي قالت لي ليش اتروحين ايكيا و هوم سنتر .. كل اللي يخطر على بالج بتحصلينه في الصيني وكوالتي بعد .. انا طبعا ما سرت قسم الاثاث وسوالف البيت .. وهي سارت شافت بس ما اشترت .. انتوا شو رايكم ؟؟؟

انا حصلت هالخزانة عيبتني وااايد في كتالوج ايكيا 2024 بس مادري موجودة في ايكيا دبي ولا لا

ب 3000 درهم تقريبا .. والغرفة عنابية .. بتليق الخزانة صح ؟!

بحصل شراته في الصيني ولا شو تقولون ؟؟

انتظر اراءكم

والله يجعل منزلكم عامر بذكر الله

المشاركة الأصلية كتبت بواسطة al3ion

والله يااختي

بخصوص الاكسسوارات والثريات وديكورات الحدايق انصحج ب التنين وبقووووووووه

انا سرت وجفت اولا ..
وغير هذا هالسوالف تلقينها ف ايكيا وهوم سنتر اغلى ف خذيها من الصين ارخص وفي تنوع وايد حلووو

عندهم الثريات اللي الاضاءه تكون سبوت فوق والكرستال نازل بدون ليتات والسبوت متسلط عليه من فوق رووعه

الخزانات والكبتات مالج الا ايكيا صراحه ارخص وتنوعهم اكثر وديزايناتهم مودرن وانا اعشششششق المودرن لانه ماياخذ مكان وايد وبنفس الوقت شكله مريييييييح ويشرح الصدر …

والله يجعل منزلكم عامر بذكر الله

ايوااا .. يعني الخزاين من ايكيا ^^ >> انا بعد كنت محطية فبالي خزانة الملابس من ايكيا .. اغراضهم عملية

والاضاءات والاكسسوارات من التنين

مشكورة حبيبتي على رايج .. وكلامج في عين الاعتبار … ننتظر البقية

المشاركة الأصلية كتبت بواسطة وردة الدار

انا ايكيا يعيبني الصراحه وسوق التنين ماجد طحته بس ان شاءالله على هالمديح بسيرله

انا بعد بس سرت صوب الملابس ما رحت صوب قسم البيت وسوالفه

مشكورة حبيبتي

يلا بنات 12 رد ومشاركتين بس !!