ّّ
ّ
ّّ
السلام عليكم ورحمه الله وبركاته
حبيت أعرض عليكم فستان سويته لبنتي
الفستان مافيه وايد شغل (أحب هالأستايل من الفساتين)
يكــون بسيط .. وفي نفس الوقت راقي ويعطيه فخامه
أشتريت القطعه وقصيتها وخيطتها بنفسي
الشغل كله ع الفستان خذ مني يومين
نوعيه القطعه قطن
استخدمت فيه وار من القماش ( بو عرضين )
القطعه شريتها من السوق الصيني بــ 10 دراهم اظني أو 20 درهم
وفي من نفس القطعه حرير وشيفون ( إذا شايفين منها قبل )
وفي التزيين استخدمت الدانتيل والشرايط والزقزاق
صورت بعض خطوات العمل .. وباجي الخطوات نسيت أصورها
وإن شاء الله تكون الصور واضحه
وحبيت أنوه إني ما أخذت لا دورات وغيرها في الخياطه
وإني أمارس الخياطه من باب الهوايه
ففي اشياء أدري إنها غلط
ولها طريقه ثانيه صحيحه طبعا
رايكم يهمني أكيــد
ّّ
ّ
ّّ
خذت بريك .. وبكمل ألحينه 
الفيونكه الحمراء حطيت فيها دبوس من ورا
علشان أقدر اشيلها وقت الغسيل ( وما تخترب )
ّّ
ّ
ّّ
الأزرار ورا تكون من فوق لتحت ( في الصوره مب واضحه )
ّّ
ّ
ّّ
أكبر خطأ .. وما أكتشفته إلي في الأخير
وتعايزت أعدلهاا
شوفوها كيف طلعت من ورا 
ّّ
ّ
ّّ
إن شاء الله الأخطاء بعدلها في المرات اليايه
وبس
تـــم الموضوع بحمد الله
ما شاء الله عليج
الفستان حلوو ومرتب
خاصة الفيونكه الحمرة ^.^
قل اعوذ برب الفلق
عن الحسد عيني عليج بااااااااارده حبيبتي ^^
الله يوفقج وكثري من هالسوالف الحلوه حبيبتي