شحالكم خواتي ان شاء الله بخير
اليوم يبتلكم ها الشغل واتمنى انه يعيبكم
في مدونة انا مشتركة فيه وحدة من البنات طرحت موضوع حلو يزاها الله خير
ان كل وحدة فينا تورط عضوة بعمل ويكون هذا العمل من الاشياء المهملة ( مخلفات البيئة وكيف نستفيد منها ) وانا تورطت بأني استغل علبة الشماغ
المهم
انا كنت محتاجة حق صينية للعطور اللي على التسريحة
لان التسريحة وايد صار فيها بقع من بعض العطور
عندي صواني جاهزة اقدر اعدل فيها بس تعايزت
والورطة يت في وقتها
نروح للعمل
بما اني حجرتي لونها برتقالي وبيج
جمعت كل الاشياء اللي عندي
المطلوب
1- علبة شماغ( غترة) – مسدس شمع – اكسسوارات – قماش مخمل – مفرش تور – مقص – تور ذهبي – شرايط
طريقة العمل
2 -اخذت الجزء السفلي من العلبة وقصيت القماش بشكل مربع
3 – لصقت القماش على العلبة
4 – اخذت مفرش التور ولصقته على القماش
5 – قصيت من التور الذهبي قطع مستقيمة
6- سويت منهم فيونكات
7 – من الشرايط الصغير بعد سويت فيونكات بنفس لون القماش
8 – لصقت الشرايط على الاطراف الاربعة ولصقت عليهم وروود
وصارت صينية حق العطور
**********
ام مروة
ردكم الاحلى تسلمون