لكل وحده عالية ذوق تتفضل …لاتخذلوني العروس الاماراتية

الســـــــــــــــــــــــــــــــلام عليـــــــــــــــــــــــــكم …

اول شي اشكر كل وحده دخلت موضوعي سواء شاركت وله لا اوحتى رفعت موضوعي..

بصراحة ماشاء لله في وايد بنات وربات بيوت اذواقهم يعني والله اذواق مصممين ديكور عشان شي ابي رايكم وابي المساعدة منكم اذا ممكن …

انا عندي صالة ماعرف شو اسوا فيها من صبغ للاثاث ولازم اتساعدوني لان عش الزوجية ان شالله وحصلت ديكورات حلوة فالقسم بس ابيكم تختارولي لوون المناسب للصالة لان الغرفة حمرا ومافيها باب بيكون كريستال نازل من الباب فابي لون مناسب للغرفة ويكون لون مناسب وابي ديكور خفيف ومب مكلف وايد وحلو…

هاي الغرفة بعد الجبس وصبغ

وها الكفر من الاخت الجورية من المدونة بس ما وصلني بعده واسعارها وايد حلوة واقولها مشكورة مقدما..

وهاييل روحي خذتهم وركبت عليهم الورود ….

اترية ردودكم وها اول موضوع لي ..

اختي الغالية اللون وايد حلو ..بس مافهمت شو الي تطلبينه بالضبط هذة غرفة نوم ولا صالة وشو الديكورات المطلوبة
يعني تبين نعطي راينا في لون الاثاث ؟كطقم الجلوس ولا شو
ولاتبين راينا في لون الكفر ؟ياريت توضحين اكثر علشان نفيدج ونستفيد وسامحيني

تسلمين ع رد غناتي وجزاج الله الف خير ……

لا اقصد هاي غرفة النوم والكفر وشغلات ثانية حطيتهم عشان اعرف رايكم فيها …… بس المطلوب الصاله حجمها حجم الغرفة ومب مسوية فيها شي ابيكم اتساعدوني فالصبغ وديكور…..

وان شالله بتكونون وياي وتساعدوني….

شوفي الغاليه لو اتكون الصاله اوف وايت وعندج الجبس تصبغينه بني محروق بيطلع حلو وهادي بس تعرفين انا ماعرف اي استايل اتحبين المودرن او الكلاسيكي لان اللي قلتلج اياه يناسب الكلاسيكي واذا بغيتيه مودرن تقدرين اتسوين ورق جدران ابيض لؤلؤي بس من دون ماتصبغين الجبس تخلينه ابيض لان انا مسويه ابيض لؤلؤي في غرفة نوومي وطلع يجنن..المهم انصحج في الابيض والستاره والكنب نفس الشي تدرين ليش لان تقدرين بين فتره وفتره اتغيرين ف الاكسسوارات اذا مليتي تدرين اي لون يناسب الابيض واذا بغيتي اي شي ثاني انا حاضره اترومين اتراسليني ع الخاص لو بغيتي..^_^

الغالية

لون الغرفة عندج غامج الاحمر .. فجيه بتحسين انتي غرفتج صغرانه شوي

انا كنت افضل انج ادخلين لو ثاني ويا الاحمر ..

مصلا الارضية عندج و الستتارة و الكفر كنتي لازم تختارينهن بالوان ثانية تكون أفتح و تركب عالاحمر ..

مثلا قولي بيج او ذهبي .. و حطي اكسسوارات بعد بالوان قاتحة .. عسب ما تدخلين حجرتج وتحسينها كتمة وايد ..

و تتهنين فيها غناتي

و بالنسبة للصالة انا اموت على اللون البنفسجي للصالة .. صالة بيتنا عند اهلي جيه لونها و الله خبال طالعه ..

و بعدين لو تسيرين محلات الاثاث تشوفين اغلب الصالات لونهن يا بنفسجي و لااحمر و ابيض و اسود ..