انا وايد متشتته افكاري
عندي طقم كراسي جلد من هوم سنتر اخذتهم لي 3 سنوات واحس مو من كثر استفادتي منهم
فقررت اخليهم بمجلس الحريم بما انه فاضي ومو متأثث
طيب شو المطلوب منكم خخخخخخخخخخخخ
طقمي ها اللوون بالظبط بس فيه اختلافات بالشكل والارجل خشبي لونه بني محروق
بس الغرفة مو مصبوغه والارضية مو عارفة افرشها او اسويلها رخام او شو بالظبط
بليز بنات ساعدوني
شو الالوان الي تناسب ها الكنب من صبغه وارضية وستاير
لا تتأخرو علي بالرد بليز لاني بكرا طالعه اكمل تأثثيثها لان اجازتي بتخلص قريب ما بلحق اسوي شي عالدوام
ساعدوني بليز
انا كنت مقررة ارضية خشب بني محروق
والوسط سجاد ليمون
والستاير والخداديات ليموني وبني واورانج
بس بعدين شفت كل غرف بيتي جذي وحسيت المفروض اغير
غرفتي ومجلس الرجال والمطبخ والحمامات بيج وبني
يعني اغير
بس صديقتي دخلت براسي لون كان راااااااااااااايح عن بالي
بنفسجي وليموني
ما ادري شرايكم بيطلع فنتك
السجاد بنفسجي متوسط اللون والستاير شيفون ذهبي ويا ستاير مخمل والخداديات تدرجات البنفسجي واللذهبي
ما ادري لخبطة والا لا؟؟؟؟؟؟؟؟؟؟؟؟؟
افرشي زوليه باللون البني الساده وبعدين حطي فوقها شرشف مخروزي بالالوان الليمونيه كحركه كسر لون وبعدين سوي منه حركات ملتويه وفري كوشنات بالالوان او درجات البني على زوليه يا حبذا وحده منهن بلون الذهبي الغامق
وعلى الكراسي وزعي كوشنات متدرجة الالوان لانه لو حطيتي كله نفس اللون بتحسين انه اللون زايع
ورتبي كم شرشف مخروزي او ساده من الستان او الشامواه على حسب اللي متواجد عل الكراسي بطريقه طوليه علشان يوازي الصبغ المقلم ولاتنسن على المخاد اللي على الارض حطي طرابيش او كرستالاات ملونه
تقدرين تغيرن البني باللون الاحمر بيطلع الميلس روووووووووووووووعه واكثر من روووعه