هلا بنات حبيت انزل موضوع عن ادوات الصبغ العاديه لاني شفت البنات محتارات في كيفيه صبغ غرفهم والادوات اللي ممكن يستخدموها في الصبغ بكل سهوله وهي تقدرون تشترونها من محلات الصبغ
وراح اعرض لكم صور تبين الادوات المستخدمه
هذي صورة الجبس اللي يستخدم في سد الحفر او الشقوق في اليدار وهو لازم تخلطينه بالماي اول شي ويكون شرات العجينه يعني مب سائل (اسألي البائع في المحل عن كمية الماء المناسبه لخلطها مع الجبس )
وهذي صورة الاداه اللي تستخدم في وضع الجبس في الحفر والشقوق اللي تكون في اليدار ماعرف شو اسمها بالضبط بس اتوق سكين او مشرط ( اسألي عن اسمها عند البائع )
وهذا الصبغ الابيض اللي يستخدم للتغطية اي اوساخ او بقع او الصبغ الجديم على اليدار وهو يخلط بالماء ( اسألي البائع عن كميه الماء للخلط )
وهذي صورته من الداخل
وهذي صورة الاداه اللي تستخدم في صبغ اليدار بالصبغ الابيض للتغطيه أو للصبغ الملون واسمها الرول أو الروله
واخر شي الصبغ وافضل نوع موجود حاليا هو صبغ ليدي من جوتن
وهذي صورته هو صبغ مائي يجب تخفيفه بالماي ( اسألي البائع عن كمية الماء لخلطها مع الصبغ )
ميزاته
1 ماله ريحه أبدا
2 الوانه روووووعه
3 يجف خلال نص ساعه
4 سهل التنظيف يعني لو حد من عيالج خربش على اليدارماعليج الا بليفه فيها ماي وامسحيه ويرجع الصبغ شرات ماكان
ملاحظه هامه صبغ ليدي هو صبغ مائي يعني لازم خلطه بالماي او اي صبغ مائي أما الصبغ الزيتي مايحتاج تخلطيه بالماي
طبعا هناك الكثير من انواع الصبغ الموجوده في السوق لكن أنا حطيت لكم ليدي لاني استخدمته في بيتي وصبغت فيه غرفة بناتي وغرفة المعيشه وباقي لي اصبغ غرفة ولديا
بالنسبه لعمل اي تأثيرات على اليدار موجود في محلات الصبغ اسفنج ورولات عليها اشكال لعمل التأثيرات على اليدار هناك عندهم بتحصلون وايد اشياء
يعني في اسفنج لعمل التعتيق على اليدار
اتمنى ان الموضوع ينال على رضاكم ويكون مفيد لكم
موضوع أكثر من رائع لأنه شي يديد
تسلمين حبوبه ..
أول مره أدري عن هالصبغ من جوتن
وهذي الصوره
المشاركة الأصلية كتبت بواسطة منّايه 
موضوع أكثر من رائع لأنه شي يديد
تسلمين حبوبه ..
أول مره أدري عن هالصبغ من جوتن
مشكوره الغاليه على ردج ومرورج اللي اسعدني وايد
وصبغ ليدي من جوتن موجود في السوق تحصلينه عند اي محل للصبغ
المشاركة الأصلية كتبت بواسطة يابس رقيص مشكوره فديتج على ردج ومرورج وان شاء الله يكون موضوعي عييبج