هلا بنااااااااات حاليا انا اغير شوي في غرفة النوم واليوم ان شاء الله بيي العامل يبدا في الشغل والي طلبته منه يحطلي جبس تخشيب بدرجه معينه انا طلبته منه على زوايا اسقف الغرفة بس محتارة اصبغها ولا احط ورق جدران وبعدين ابغي اعرف شو احسن شي دارج الحين في عالم الديكور , وابغي اعرف شو احسن انواع السيراميك او الرخام او الجيرانيت حق ارضية الغرفة , واذا اتعرفون حد في هالشغلات في بوظبي ادلني عليه وتعطيني الرقم , وعلى فكرة ناويه افصل كبت تفصيل الي تعرف نجار ممتاز وشغله حلو ونظيف ياريت اتخبرني عنه
الدارج هاى الايام الورق جدران واذا ما تبين يكون الورق على الغرفه كلها خلي مثلا على جدار واحد اللي بكون ورا الشبريه بكون شكله واااايد حلو….
اهااا صحيح فكرة حلوة بس نسيت اخبركن اني حاطة ستاير ذهبيات
جويرية مشكورة عالفكرة اعجبتني
بس يابنات اذا ابا اختار ورق جدران اخاف هذا الي بتعامل معاه ييبلي شي قديم كيف اعرف انه جديد شو تقريبا الي دارج اكثر شي في ورق الجدران
انصحج بكونكورد .. كل اللي عندنا يوم يبن يعدلن حجرهن يتعاملن مع كونكورد .. مصمم بروحه يصمم لج الحجره ويسويلج الحركات وياخذ رايج وشغلهم نظيف وحلو ومرتب
كونكورد شو هذا محل ولا شو ؟ ووين اطلب رقمه وهل هو موجود في ابوظبي وشو اسمه بالتحديد
اذا تبين اتسوين ورق جدران حق غرفتج انصحج اتروحين السوق الصيني وتشترين ورق جدران ع ذوقج واتييبين اي حد ايركب لج اياه
والسموحة حبيبتي
ف نظري ورق الجدران احلى عن الصبغ
والباركيه واااايد يناسب غرف النوم والرخام او السيراميك يناسب الميلس والصاله اكثر
والله يوفقج حبوبه
والباركيه واااايد يناسب غرف النوم والرخام او السيراميك يناسب الميلس والصاله اكثر
والله يوفقج حبوبه