وين احصل خيوط DMC في الامارات؟؟؟؟؟؟؟؟؟ ساعدوني

سلام عليكم خواتي
اشحالكم. مبارك عليكم الشهر و عيدكم مبارك مقدما بعد
بغيتكم بمساعده اذا ممكن.
تعرفون شغل الكانافاه و الايتامين Cross stitch يحتاج نوعية معينه من خيوط المولينيه. كنت بمصر قبل فتره و شريت لوحات و معاهم خيوطهم و لما بديت اشتغل اكتشفت انه فيه الوان من الخيوط ما راح تكفي. من جذي دلوني وين القى هالنوع من الخيوط و اذا احصل لوحات بعد خير و بركه. راح احط لكم صور النوع اللي اقصده علشان يسهل تعرفكم عليه

اي محل يبيع كلف عنده هذه الخيوط

اذا انتي من دبي في محلات برع سوق عكاظ شفت وايد منهم

واذا في الشارجة كحل اسمه بيت المرح

ويمكن في بعد في مكتبة دبي للتوزيع

مثل ما قالت أم سيف

تسلمون خواتي ما تقصرون لكن ممكن توضيح بعد؟؟؟
وين صايره اسواق عكاظ؟؟؟
و بيت المرح بعد وينه؟؟؟؟
ما تقصرون خواتي على الردود

سوق عكاظ في نايف((دبي)) ومحلات ادوات الخياطة قريبة من بعض ومن السوق الكويتي…كلهم في نفس البقعه,,,

بيت المرح فالشارجة ورا السينما الجديمة يعني بين سوق الجديم والروله,,,,
ماعرف اشرح زيادة!!!والسموحة

تسلمين الغالية ما تقصرين
باجر ان شاءالله اروح احوس ادور بيت المرح و اذا ما حصلته و ما عرفت اوصل عاد انطر ابو العيال يرجع من الدوام اهو ادرا بديرته و دواعيسها يوديني ان شاءالله.

الغالية
اذا اتدورين في دبي
سيري سيتي سنتر عندهم في محل اسمه الوشيعة في الطابق الأول
و اذا ما تقدرين
اشتريه من النت
و هذا العنوان
https://www.shopdmc.com/