اللي عندها خبرة باللعب بالالوان تدخل………. دليل العروس

شحالكم بنات
اريد مساعدتم ……….
خصلت من بناء بيتي الجديد الحمد لله ……..بس الحين في مرحلة اختيار الوان الصبغ اللي في الغرف ارجوكم ساعدوني في اختيار الوان الغرف
1. الصالة الارضية كبيرة ومفتوحة على بعض وفيها رفعات شو رايكم اخليها كلها لون واحد افكر اصبغه اف وايد بس اقول لا اريد اعمل حركات وزوايا مختلفة لأن الصالة كبيرة وما ريدها لون واحد اخاف ادخل الالوان الغامقة …..شو رايكم
2. غرفتي ( غرفة النوم كبيرة حجمها تقريبا 6*11 افكر اقسمها قسمين قسم للسريروالكبت وقسم ثاني للجلوس شو تقترحون اصبغها وهل اصبغ القسمين لون واحد لو اغير………..
3. غرفة الاولاد عندي ولد 10 سنوات والثاني 3 سنوات شو تقترحون اصبغ غرفتهم
يالله يابنات ردوا علي لأن عندي اسئلة وايد واريد خبراتكم

1.خليه لونين قراب من بعض لو حابة اوف وايت و بني فاتح مذهب,,, بحركات التعتيق
2.احلى يكون قسمين مثل ماقلتي و يستوي لونين بس يركبون على بعض مثلا قسم اصفر و الثاني برتقالي,,الأصفر لازم تكون اغراضه برتقالية وشوي احمر أما قسم البرتقالي أغراضه صفرا و بيج,, أو كامل لون واحد لكن الأغراض اللي بالغرفة كلها لونين,,وهذا مجرد مثال,, ولج حرية اختيار اللألوان,,
3.اللون التفاحي المشرق والاغراض بيج و اصفر و برتقالي و أحمر,,,,,,
خليه غرفة فريحية لأن الطفل يحب أشياء ملونة,,
والسموحة

مشكوررة على الرد فكرتج حلوه بس بعد عطوني افكار ثانية
شو رايج بالذهبي والعنابي في غرفتي (الماستر)

بتطلع غرفة ملكية,,,,,,,,و انتي الملكة,,,,
أنا احب أخلي الذهبي هو الرئيسي و اللون الأخر على حسب ذوق الشخص,,عنابي ولا بنفسجي و هكذا,,,,,,

اختي شو رايج باللونين الأزرق مع الأصفر بالصاله مثلا واااايد حلو مع اللونين وخلي الأثاث ازرق مع شوية اصفر 000

افكر اسوي عنابي ولا باذنجاني مع الذهبي..

شو رايج اصبغ جدار واحد ولا 4؟

سوييت هاللونين فبيتي القديم..
ابا شي يديد..الوان ثانية

شو رايج اخضر عشبي مع عنابي..
ولا بيج.؟