شحآلكم خوآتي كلكم متزوجات ومالجاات ومخطوبات وحتى الملقوفات 
شو رايكم اتفيدون خوآتكم في هالموضــــوع ،،
يعني اتقولون شو الاشياء اللي شريتوهاا للزهبة وماكان له داعي وندمتو
وشو الاشياء اللي ماشريتوها وندمتو
بهالطريقة الخوات بيتعلمون وبيتحذرون اكثر ،،
يالملقوفات ( انا من ضمنكم طبعا خخخخخخخخخخخ )) خبرونا عن خواتكم او شي تعرفون عنه
بهالطريقة الكل بيستفيد ،،
وشكرا ع حسن تعاونكم معنا خخخخخخ
انا لو رجعت للوراء اكثر شيء بالغت فيه المكياج والعطور بس بعدين حست انه شريت اكثر من الازم
انصح كل اخت تقسم مبلغ معين لكل شغله لانة لما تسيري السوق بدون تنظم تشتري من كل شيء وبدون حسبه
وفق الله الجميع
وبقولكم اغلاط اختي الواايده فزهبتها يمكن لان الفتره ما بين الملجه والعرس 3 شهور
والحمدلله اختي الثانيه تعلمت من هالاغلاط واايد ووفرت مبلغ كبير
بالنسبه لاختي فصلت 30 كندوره عليها فصوص وخوار وغيره
وتلعوزت لانها عقب ما حملت ولا وحده دشت فيها
بعد هي شرت وايد كعوب وما خذت سطاحيات ونصهن لين الحين ما لبستهن مع انها مكمله 3 سنين من عرست
واغلب عبيها قصات وحركات وماكان عندها عباه ساده او شيله ساده حق الطلعات العاديه
وخذت شنطه المكياج الكبيره وقعدت تعبيها انواع مختلفه وانتوا تعرفون ان بعد فتره تخترب
وهالشي سببلها حساسيه فويها وحبوب وعينها من الجحال احمرت وحسست بعد
وماكثرت من شيل البيت الساده الملونه عشان تلبسها مع الجلابيات
ونست تاخذ الاكياس المعطره اللي يحطونها بين الملابس وبعد نست تشتري شامبو للشعر وبلسم وملطف الجو
وشرت وايد شباصات كبيره للشعر وماخذت شباصات صغيره او ربطات
والمشكله الاكبر انها حطت كل زهبتها ف7 شنط وبعدين ما لقت مكان وين تحط الشنط الفاضيات
يعني لو سويتو زهبه حاولو قد ما تقدرون تقللون عدد الشنط يعني حطو فبوكسات او اي شي ثاني
فصلتلي 14 جلابيه بس .. لو الوحده بتسكن عند اهل ريلها لازم تفصل اكثر لان كل يوم بتلبسين وحده .. وكل جلابيه خذيلها شيله ملونه ..
وامم خذتلي اكثر عن استشوار واحد في شنطة السفر والثاني فالبيت والثالث في شنطة الفندق فاحس لو خذت واحد احسن..
النعلان الصراحه وااااااااااايد وللحين ماستخدمت الا كم نعال بس ..استخدمت اقل عن النص .. اهم شي فالكعب تاخذون اللون الفضي والذهبي ..
خذت كيس واحد مال الاعراس اللي تحطين فيه عباتج والمفروض اخذ اكثر لانه الحين ضاع وماعندي شي
ليش اختي توتة لازم بس جلابيات تلبسين ؟
ماتقدرين تلبسين شي ثاني؟ احس وايد ..