انا مشتركه يديده وماشتركتت الا لما استفدت من مواضيعكم
بس من يوم ما انخطبت وانا متوهقه واحس عمري معتفسه
مب رايمه اركز
ابي اعرف بشو ابدي زهابي شو الاشيا اللي الركز عليها والكميه
وبشو ابتدي عنايه بجسمي
حاليا انا تختوخه وبدي انزل كم كيلو
فيا بقع اريد اخفيها
وكرش واللذي منو
ابا اتعلم يوم الصبحه شلبس
ادري اني متوتره واسال وايد السموحه
اترياكم
شوفي جيبي ورقه وقلم
شوفي وش ناقصك
كم تيشرت تبي
كم بنطلون
كم جزمه وانت بكرتمه
الخ
اسهل طريقه عسب تعرفي شنو تبي
المكياج اشتريه اخر شئ لانه يخترب بسرعه
اختاري الماكيره
اختاري فستان العرس
الكوشه اختاري شلون تبيها
العنايه بالجسم ابدا خلطات التبيض
استعملي الكركم للوش روعه
زبده الشيا الخام مره روعه
ابدا حميه غذائيه تحمل كل الفيتامينات
كل شئ سجلي بورقه وحطي خطوات لكل شئ بتسويه
لا تحوسي حالك
ربي يسهل لك
شـــوفي حبيبــــتي 
أولـ شي دامج معـــزمة على إنقاص الــوزن انصحج ترتبين لج جدولـ مشي لساعات معينــة لمــدة مناسبــة توصليــن فيها للوزن المثالــي ، أو انج تشتركيـــن بنادي رياضـــي ، و طبعا لازم تبتعــدين عن الأكل اللي يسبب السمــنة و الأمراض..
بالنسبـــة للخلطات ، شوفي شو هي عيوب الجسم عنــدج و ابدي بالخلطات ، لكن نصيحة لا تغامرين بشي انتي ما تعرفيــنه ، يعني سوي خلطات مناسبــة غير مضرة ، و إذا حبيــتي تفكين عمرج مرة وحده سيري لدكتورة جلدية هي بتعطيج كريمات مناسبــة لبقع البثــور اللــي فيــج
و لا تسوين غلطة اغلب العرايس انهن يعتنن باجسامهن بس لبداية الزواج و عقب تهمل حالها ، لأء انتي خلج مهتمه دوووم بالترطيب و بالتقشير و غيــره
××
لبس ليلة الصباحيــة لبسي فســتان حلو و ناعم أو دراعه عليها شــغل فخم أو لبس مغربي راقــي ، يعني البســي على حســب ذوقج ، اللحيــن أغلــبهن يلبســن فساتيـــن سمبل أو جلابيــة فخمة..
و بالنسبــة لزهابج ابدي اول شي بالاشياء اللي بتفصلينها مثــل المخاوير و العبايات..
لأن التفصيــل يبالــه وقت إليــن ما يخلص..
و بالتوفيــج حبيبـــتي
بديت اكتب صراحتن من نصايحكم
بس لو ترومون تكتبون لي بعض الخلطات المفيده اللي استمر عليها كبدايه
ابغي اعرف كمية الزهبه كيف تكون يعني شو اللي اكثر منه وشو اللي اشتري منه كم حبه !!
يبالي استمر عالمشي صراحتن بس احس الجو بار مايشجع ><
عجبتني فكرة المغربيه للصباحيه
ببتدي احجز الفستان
والذهب خواتي ممم لني ما افهم بسوالف الذهب ولا عندي احد يفهمني كم عقد يبالي ممم ؟؟
سوري اسال وايد بس صج مب فاهمه وحابه افهم
بتحصليييـنٌ وآيد خلطـآتٌ للبشـرة وآلجسسمـٌ ،،، واسمحيليٌ مـآ عنديٌ فكـرةٌ عن موضوعٌ آلزهآبٌ آن شآء آلله آلخوآت مآ بقصرونٌ معآج ^^
والله يتممـ لـجٌ علـى خيييير ،، ويسهل عليـجٌ أمؤورج ^^
حآفظج آلرحمـن =]
كل وحده راح تكتبلج بلي تفهم فيه
وانا الشي الي انصحج فيه انج تدخلين مواضيع بهذا القسم للعرايس اللي قبلج
ماشاءالله مامخلين شي مو كاتبيه
كل الي تفكرين فيه كاتبيه
راح تستفادين وايد منهم
ادخلي على موضوع موضوع .. وانصحج بعد تدخلين بتجمعات العرايس
وفي مواضيع عن الزهبه وعن كل شي
ومن خلال قراءتي لمواضيعهن … شفتهم اكثر شي متوهقات بالفستان والميكب والشعر
اهم شي هاي الشغلات تحجزيها من وقت لاتتركيها لاخر شي
بس تقررون متى العرس ان شاءالله حاولي تحجزي هاي الشغلات اولا وطبعا القاعه بعد تكون من اول الاشياء
يعني انتي ابدي من الحين شوفي القاعات وشو اللي عاجبج ودوري على ماكيرات
لان الاغلب يكون فل …
هذا اللي انا اعرفه وغير شغلات ان شاءالله يفيدوج البنات
وبالتوفيق يارب وتكوني احلى عروسه ان شاءالله