عساكم بخير وصحة وعافية ..
عندي سؤال وياريت تساعدوني .. وخاصة إلى املجوا من قريب ..
سمعت ان الفحص الطبي يكون قبل كتابة عقد الزواج (يعني قبل الملجة)، وحد يقول عقب..
أبي أعرف ..
شو الصح؟ وشو هي الإجراءات؟
ووين يسون الفحص؟
وعبارة عن شو الفحص؟
وشو الأوراق المطلوبة؟
وإذا عندكم معلومات زيادة .. أضيفوها ..
وجزاكم الله كل خير
أختكم
J&A
ثنتان ما تردان :
( الدعاء عند النداء وتحت المطر )
رواه أبو داود وصححه الألباني في صحيح الجامع (3078 ).
وهو عباره عن تحليل دم ….. انا سويته فاقرب مستشفى كان عندنا
ما اذكر شو كانت الاوراق المطلوبه بالضبط لانه كان الوالد وياي وخلص هالامور .gif "12 (64)")
ان شاء الله البنات يفيدونج
وبالتوفيـــق يارب
الصح انه اكيد قبل الملجه لان الملاج مايكتب عقد الزواج الا بورقه الفحص الطبي
ووين يسون الفحص؟
اتصلي على اقرب عياده على بيتكم و ساليهن اماكن فحص الزواج يكونون محددين كذا عياده ومستشفى وانتي روحي لاقرب واحد لج .. والاحسسسن تروحين انتي وريلج نفس المكان لان هم يطابقون الشهادتين ويطلعون وحده يسون منها نسختين لج وله..
وعبارة عن شو الفحص؟
مجرد ياخذون الوزن والطول ويسالونج اساله عاديه ووو فحص دم لج ولريلج عشان يشوفون الامراض الوراثيه .. وعقب ماتطلع نتيجه الفحص لا سمح الله اذا في مرض يزقرونج انتي وياه ويخبرونكم عنه اكثر .. ووبس عقب توقعون على الاوراق انتي وياه هذااا اذا طلع في مرض اما اذا مافي عادي حتى الريال بروحه يروح اييبه ..
وشو الأوراق المطلوبة؟
انا اذكر خذو عني الهويه وبطاقه ثقه وصوره شخصيه
ووآآتنمى اكون جاوبت على كل تسآولاتج
الفحص لازم تسوينه قبل الملجة لان الملاج لازم تكون عنده نتائج الفحص الطبي
و الاوراق المطلوبة هي
3 صور شخصية
صورة جوازج
صورة الجنسية كاملة
صورة من الهوية
و لازم بعد تعطونهم الدرهم الالكتروني تاخذونه من البريد
و بس فديتج
و التحليل بس بياخذون منج عينه دم و وزن و طول و ضغط
الفحص قبل الملجه .. اتروحين عيادة الطب الوقائي وتقولين ابا فحص زواج
والفحص عبارة .. اخذ عينه من الدم
يبن بطاقتج الصحيه
اتمنى اتسوين فحصج ويا خطيبج .. عشان يتأكدون 2 مافيكم امراض باذ الله
وتشلين 4 صور و الجواز وصورة الجواز و خلاصة القيد وصورتها
وتشلين الهوية وبطاقة ثقه على حسب الي اذكره