الحمد الله ملجت الاسبوع الماضي وما قصرتوا وياي استفسرت منكم وفدتوني وباجي علا العرس حوالي الشهرين او أقل بس جدا متوترة لعدة أسباب:
*بنات جسمي يحتاج لشد بعد الريجيم بطني وصدري مترهل وبين الأفخاذ والزنود يعني كل جسمي تقريبا بالإضافة للخطوط موعارفة وين اسير وشو أسوي بالضبط عطوني أحسن مكان أقدر أروحله
*بغيت أهتم بنفسي بس مو عارفة كيف عندي صعبة أروح للصالونات وشو الماسكات والأشياء اللي أسويها وكيف أهتم بشعري في البيت وبالنسبة للحمام المغربي خذت خيمة الساونا بس ما جربت أسويها بس بدونها ما كان يطلع أوساخ أو جلد ميت
*أغراضي مو عارفة كيف أرتبهم مبعثرة وهل لازم أغسلهم ولا كيف بعدي ما شريت لهم شنط وبعض الأشيا ناقصه
*ما حجزت الفستان ولا المكياج محتارة عند منوه بغيت سعر مناسب ومكان مضمون مو أقعد ألف لان الوالد ما يحب يدور وايد محد غيره يوديني
ربي يوفقكم ويسر عليكم تساعدوني
اذا عندج عزيمه تقدرين تضعفين ف اسبوع خفي من العيش وكل كلي خضار وفواكه وكثري من شرب الماي
وسوي رياضه ع الصبح ..وضقط البطن ..!
والشعـر عليج مرتين ف الاسبوع حطي اي زيوت ومعاه ثوووم اهتمي فيه دووووم
ترى الشعر مجرد باسبوع تهتمين فيه يتغير فما بالج شهر
واهم شي ماتتوترين انتي مب اول عروووس
يمكن معاج شديده بس اباج ماتتوترين ههههههههههههههههههههههه
وع التجهيزات غسلي ملابس بروحج ونشفيهم بعدين مره وحده بخريهم واشتريي جم شنطه وحطيهم ع شكل مرتب
يبالج في التغسيل والتبخير يومين ع الاقل ^^
بس لاتنسين عليج بالخضااار والفواكه والماي كثري منهم ..وحاولي ماتسوين ريياضه شديده علشان ماتتعبين او شكلج يتعب ^^
فديتج عندج وقت طويل
كل يوم قبل و بعد النوم سوي تمارين شد البطن و غيره و اصعدي الدري و انزلي …
و بالنسبة للاستفسارات الثانية تقدرين تدورين في قسم البشرة و الشعر
و شوفي موضوعي للزهبة ممكن يفيدج
https://forum.uaewomen.net/showthread.php?t=878020
موفقه حبيبتي
