السلام عليكم طبعا بدا موسم الاعراس والمناسبات والتجهيزات ,,,فشو رايكم تساعدونا في الاماكن الراقية والحلوة للحناا والمكياج واللبس وكل شي …
اهم شي بنااات الفجيرة …
لو تعرفوون اماكن بالفجيرة … افضل ..
وللتسريحه والمكياج تفانين فالبستان
بس خبرينا شو اسعاارهم ؟؟
الجلابيات الراقية: راجو بلازا موجود بفجيرة ورى السفير والخور وكلباء.
ملابس النوم عندج محل في برج الفجيرة اليديد الطابق الأول نسيت اسمه المحل اللي صوبه يبيع سوع حلوة صراحه واسعاره وايد اوكي .. وعندج سود العيون بالخور عند الاشارة بالضبط يبيع لانجري روعه بعد.
الملابس صراحه ما يعيبني شي بفجيرة ممكن تجربين سنتربوينت و افينيو و ماكس بس ..
النعول والجواتي والجنط بفجيرة صراحه انا ما اشتري غير من سنتربوينت حلوين وايد , وساااااعات معرض الفجيرة اييبون اشياء حلوة بحدود المعقول يعني..
بالنسبة للصالونات أحسن صالون ريفيرا من ناحية كل شي بدكير منكير صبغ , باستثناء الحف أنصحج بصالون الشهد صراحه أحسن صالون بالحف …
المكياج طبعاً لازم تشترين ماركات مب أي شي سيري سنتربوينت عندهم تقريباً وايد ماركات وعندج البرج اليديد بعد في عندهم ماركات زياده..
العطور مالج غير أريج بالبرج اليديد فيه كل الماركات تقريباً وعطووورهم أصليه, ونصيحه مني لا تاخذين عطور من سنتربوينت لانها مب أصليه تقليــــــــد …
بخصوص العبي صراحه ما يعيبني اي شي بفجيره ولا الخور ولا كلباء لانها لانهم عاديات وماشي ديزاينات عندهم , ممكن تجربين محل الذهب الأسود بكلباء يمكن يعيبج ساعات اييب اشياء حلوة هب دوم.
وبخصوص الذهب عند الرميزان موجود بشارع الشيخ حمد الشرقي بعد الباسكن بشويه , أحلى الذهب عنده ..
هذا تقريباً أكثر الأشياء اللي بتحتايينها من الفجيره ولو في شي ثاني انا حاظره ..
ما شاء الله اختنا نونوه كفت ووفت الله يجزيها الجنه