غاليتي و حبيبتي و زوجتي و أم أبنائي:
بصراحة مب عارف من وين أبدأ بس راح أرمس و أقول كل اللي عندي. ليش أنتو البنات بطرانات؟
ليش تتشرطون مهر و زهبة فوق المية ألف ليش كل وحدة فيكم تبي كوشتها فوق الخمسين ألف؟
حرام عليكم يا بنات نحن الشباب راتبنا ما يتعدى ال ١٥ ألف و محتاجين لنا جمن سنة عشان نيمع لنا جمن بيزة و نتزوج و نكمل نص دينا بس أنتو اللي يهديكم وايد تتشرطون و أهاليكم بعد يزيدون الطين بلة.
و اللي بترمس و بتقول خل أهلك يدفعون ترا و الله يا بنات و أنا ولد و أرمس نيابة عن الأولاد ترا أكبر غلط يرتكبها الولد هو أنه يخلي أهله يزوجونه و يدفعون له بيزات العرس. اللي يسوي جذه مب ريال و أنا ريال و أقولها لكم بلساني.
و بعدين أنتي يا زوجتي و يا شريكة حياتي ليش ما ترضين على نفسج أنج تدفعين حق عرسج من جيبج و تساعديني بدل ما تخلنيي أنجبر أتسلف من البنك أو أني أحتاج لأهلي؟
و بعدين عقب الزواج تتحرطمين و تقولين أهله يتدخلون فحياتي و أهله و أهله!
زوجتي و حبيبتي و غاليتي تراني مستعد أخليج أسعد إنسانة في العالم بس الله يخليكم يا بنات شوي شوي علينا نحن الشباب و الله يا بنات لو تودرون هالبطرة و الدلع مالكم ترا نحن الشباب بنتغير و بنصير أحسن و بنصير رياييل سنعين.
أتي زوجتي و أتي اللي تربيني و تراهم يقولون وراء كل رجل عظيم أمرأة و أنا ريال و أبي الناس لما تشوفني و تشوفج يقولون هالريال صج وراه حرمة عظيمة.
بس أنتو الله يهديكن خليتو الناس تقول وراء كل رجل مديون إمرأة و السموحة بس هذا هو الواقع.
و بخصوص زهبتج شقحة تطلبين فوق المية ألف؟
الحمد لله أنتي فبيت أهلج عندج ملابس و عندج شيل و عبي و مب لازم تخسريني فوق المية على أشيا عقب جمن شهر بتملين منها و بتفرينها في الزبالة.
حبيبتي ترا أنتي بتعيشين معاي بيت واحد و أنا بعطيج مصروف و من هلمصروف بتاخذين لج ذهب و ملابس و شيل و عبي و كل شي تتمنينه فليش فلبداية تجبريني أني أخسر فوق المية ألف على زهابج و أعيش مديون جمن شهر و لا جمن سنة و تنجبرين أنتي تشتغلين و تصرفين على عمرج بسبب ديونج.
بنات ترا و الله أغلب المشاكل الزوجية تصير بسبب الديون عسا الله يبعدني و يبعدكم عنها.
و نداء لكل بنت و الله ترا جيمتج عندي مب بلبيزات و المهر اللي بعطيهم لج جيمتع عندي فتصرفاتج و حبج لي و صيانتج لحبي و حشيمتج لي.
أتمنى أنكن تتغيرن يا بنات أتمنى هشي من قلبي و أنا متأكد أنه كل شاب يفكر شراتي
انا مهري وذهبي وزهبتي 40 الف
صدقــ‘ه و الله 
كســـر خآآطـري , ,
تسلمين ع الطرح الكول . . . *
المشاركة الأصلية كتبت بواسطة tower 
انا مهري وذهبي وزهبتي 40 الف
أنا بعد الحمد لله
تسلمين حبيبتي على مرورج
المشاركة الأصلية كتبت بواسطة أتعبني غلاهـ صدقــ‘ه و الله
كســـر خآآطـري , ,
تسلمين ع الطرح الكول . . . *
ههههه كلهم يكسرون الخاطر
الله يهدي العرايس ويوفق ..