مصآريف عرسس معقووول والله ولي التوفيق جديد

موضوعي اليوم يتكلم عن مصآريف عرس معقول .. لا هو فخم ولا اي كلآم

مادري ليش يت هالفكره ف بآلي .. يمكن لاني احاتي زوج المستقبل الي للحين ما يدل بيتنـآ =)

الموهيم .. تراني وايد برمس .. فاللي مب فاضيه تطلع برع –> لساني طويل ترآ

بداية نحسب كل المصاريف الي تكون عالمعرس .. وحليله والله يعاني لووول
خاصه عاد لو ماتوفق بعد العرس احسسه يكره عمرهـ .. ويحب موتره اكثر – الله يخلي المرسيدس جيمة عرس كامل عدنآ لول

انزين يلا نبدا
اول شي المهر .. حاليا يتراوح بين 50 الف الى 90 الف .. طبعا اقصد المهر وبيزات الزهبه ويا بعض ..
بس ف ظل الغلا الفاحش .. احس 80 تقريبا تكفي ..

انزين نقول مهرهآ 80 الف وبنحسب مصاريفها من خلال هالمبلغ .. لان عيال خالتي الله يخليهم عبالهم البنات يلعبون بالبيزآت –> وحليلنـآ

20 الف المهر .. خاص بالعرووس تلعب فيه تيوده تتبرع فيه تسوي الي تبآه منه .. حقهآ الشرعي هذا =)

بقن 60 الف .. ويتوزعن بين الثياب والذهب
تقريبا لان سعر الذهب صاك السما .. نقول 45 للذهب اوك .. كم طقم خفيف ع كم اسواره ع خواتم .. ==> تكشخ لريلهآ وللناس لوول
بقى من المبلغ 15 الف .. تخليهم للثياب ومصاريفها الباقيه .. =)

….. خلصنا من مهرهآ وزهبتهآ ..
دور الفستآن والمكياج ف ليلة العرس … طبعا في عوايل يخلون هالشي عالمعرس – متوهق حده
وفي عوايل لا .. يكون عالعروس من بيزات الزهبه ..
.
.
الفستان لو تصميم يديد عادي يوصل 50 الف !
ولو تصميم مع ايجار لبسه اولى وترده للحرمه حول 10 ولا 15 الف .. حلو =)
والمكيب من 2500 الى ما لا نهايه —- وايد مبالغين الماكييرات في اسعار المكياج لساعتين بس بجابل فيهم الناس و ريلي الي بيقول منو هالوحشششه الي حذالي !!!! تخيلوو
^
^
هذا يتحدد ع شور العروس والمعرس ..
.
.
ني للقاعه …. طبعآ عادي يوصل السعر لـ 200 الف .. قاعه للحريم والريآييل .. وحسب عدد المعازيم ونوعية الاكل والخدمآت ..
.
طبعا قاعات رآك كشخه واسعارهم مناسبه بالنسبه لباقي القاعات خاصه ان المكان يستوعب عدد كبير شرات الكورنيش والكريستال الي ورا البيتزا والبوم وقاعة سيف ومهآ اظن ..
وقاعات الشارجه ايدد قاعه النورس فنادي الجولف يمدحونهآ.. للشخص الواحد يبدا السعر من 130 واغلى شي فالقايمه 300 ..لو حسبنا 500 حرمه – .. يعني 65 الف والغالي 150 الف..
وجمعية الاتحاد النسائيه .. بعد اسعارهم زينه لكن قاعاتهم صغيره ّ..
وقاعات عيمان .. كلهم فالجمعيه .. واسعارهم مناسبه واكبر قاعه المباركيه ..
قاعات دبي .. من الفنادق للقاعات العاديه تختلف الاسعآر =) .. بحكم اني احضر اعراس ربيعاتي وكلهن ماشاء الله ربي منعم عليهن .. =)
.
.
الكوشه .. ومآ ادراك ما الكوشششه – مسرحيه يعرضون عليهآ
تختلف الاسعار مع اختلاف الديزاين والمحلات .. والشغل المبذول عليهآ من 5 الآف الى 80 الف !!!
عرس حضرته وفيه اسراف زايد الصراحه .. كوشتهم وصلت 50 الف .. لليله وحده ! .. وياريت عندهم خير الله يخلي البنوك .!

والله احس ماله داعي هالاسراف كلهـ .. ربي قآل يسرو ولا تعسروو ونحن العكس بسبب خوفنا من كلام الناس .. ياعمي كلام الناس مايودي ولا اييب !!
كلهم بيحضروون العرس وبيتعشوون وبيمشون ايدهم فاليدار الصراحه ..
.
.
الدي جي – الافضل اسلامي وشرعي .. مايكلف حول 1000 الف ..
واذا فرقه نسائيه بدفوف تقريبا 5 الاف ..
بدل الاغاني والحشششره والاثام ف اول ليله زواج وعمر يديد .. !

.
.
بطايق الدعووه .. الخسر كله وتنفر فالزباله اكرمكم الله ..
تختلف الاسعار من 3 دراهم والبطاقه ماتنجاف تقول كرت بطاقه صحيه الى 30 درهم .. طابع جريده وموزعهآ !!
الصراحه مبلغ 5 دراهم او 7 دراهم مناسب لبطاقة دعوه .. ولو حسبناها .. 5 * 700 بيت .= 3500 درهم .. وايد مناسب واكيد شكل البطاقه وحجمها مناسب وحلو =)
.
.
وطبعا نحن لغينا ليلة الحنه وحفلة الملجه .. للي حابين يسوون هالسوالف =) .. عني افضل الحنه والعرس بث ..
هالمبلغ كله تقريبـــآ الاجمالــــي = بين الـ 250 الف والـ 300 الف ..
حشى شاري مرسيدس يديد لووول

وشو بقى .. مصاريف تجهيز الغرفه او الشقه .. وشهر العســـل للي يبآ =)

يغمضووني الشبآب .. بس حبيت انزل الموضوع عسب يفهمون شو لهم وشو عليهم .. !

والموضوع كله جهد شخصي مني ومااحلل نقله بدون ذكر المصدر والعضوهـ

والسموحه من اليميع ..

شيخه بمعآنيهـآ