[ ضحكلي الوقت يوم اني لقيتك /.. my look فـ خطوبتي } ~ جديد

اليوم حابه اعرض لكم صور عن تجهيزاتي اللي سويتها حق خطوبتي والنظرة الشرعية ..

(طبعا هالكلام فـ 2024 ومر عليه سنة تقريبا، والحين انا معرسة الحمدالله)

العرب كانوا يايينا عشان يخطبون رسمي ، فـ حاولت اطلع
بـ احلى صورة جدامهم ، وجدامه ( وهالليله لين اليوم فـ باله ومانسى تفاصيلها) ^_^

لبســـي :

خذتلي جلابيـه من محل بينـاس ، بس عدلولـي القياسات
وهذا ديزاينها

واخترت اللون البطيخي ، اهدأ واحلى فاللبس

وسويت شعري فالصالون ، باف بسيط وناعم
وعشان ما ابين اني over

ومكياجي كان بسيط وهادئ حطيت حجال ، ماسكرا ، بلاشر ، وجلوس وردي فاتح

ولبست شغاب ، مشغول بالشوارفسكي وياه خاتم ، وعقب هم لبسوني دبلة الخطوبه ^__^

وربي تمملي كل شي على خير

والله يوفق كل عروس ، ويرزق كل محرومه يارب