عرايسنا شحالكم؟
هالموضوع للي عرست ورجعت من شهر العسل (وبعدها تذكر محتويات شنطتها قبل شهر العسل وعقبه)
يا ترى شو اللي ما استخدمتيه؟؟
في موضوع عجبني وايد للاخت العضوة "الذوق"
https://forum.uaewomen.net/showthread.php?t=425161
صدق موضوع متعوب عليه ومجهود كبير يستحق الشكر والثناء لكن في بعض الاشيا الغير لازمة في شهر العسل من وجهة نظري الشخصيه
مثال.. انا سافرت امريكا في شهر العسل وتنقلت بين الفنادق كذا ولايه وكذا مطار وكنت شاله شنطتين بس لكن ريلي فديته تلعوز بشل الشنط لان اشترينا اغراض من هناك وبسبب الوزن ما كنا نسافر الا درجه اولى.. ومافي حماليه يشلون الشنط عنج يعني سالفه.. اوروبا تقريبا نفس الشي بس اهون.. لكن صدق الحمولة الزايده في المطار تلعوز المعاريس..
مثال آخر.. الشنط الانيقه ذات النوعيه العاديه ممكن تنقطع او تنكسر من مطار لمطار او مع الحموله الزايده
مثال آخر.. اذا العروس سوت حلاوة للجسم والمناطق الحساسه ما يطلع الشعر الا عقب شهر تقريبا.. واذا صار شي طارئ تاخذ الامواس اللي تستهلك مرة وحدة وتنرمي (5 تكفي وتزيد) وما يحتاي جل او ماكينة ازاله او غيره..
نقطه مهمه جدا: كم يوم شهر العسل؟؟؟ اسبوعين والا شهر ؟؟ لان بتفرق الكميات.. انا رحت شهر وشوي
لذا حبيت يكون موضوعي في فائده للجميع.. شو اللي شليتيه معاج يا عروس بس ما استخدمتيه؟؟
30 قميص نوم (دخنتهم وحطيت كل 2 في قرطاس شفاف طرفه لزق نفس مال الشي والعبي)
استخمت 20 فقط
5 بيجامات – استخدمت 3
10 اطقم ملابس داخليه فاخره – استخدمت 5 فقط
10 قطع ملابس داخليه عمليه – استخدمت نصهم فقط
عباه واحده احتياطيه (في حال صار شي بالعباه اللي لبستها في المطار) – لم استخدمها
12 سكارف (شيل ملونه) – تم استخدام 8 فقط
6 بنطلونات – تم استخدام 5 فقط
8 بديات (سليفلس بدون كم) – استخدمت 5 فقط
10 قمصان طويله للركبه (ديزانرز كولكشن) – استخدمت 7 فقط
4 جاكيتات (الجو بارد) – استخمت 3 فقط
12 بندانا (قمطة للشعر على الوان السكارفات) – استخدمت 8 فقط
4 احذيه (واحد منهم ماركة كروكس) – تم استخدام 2 فقط
6 ازواج جوارب (الشفافه الطويله والبيضه الرياضيه) – تم استخدامهم جميعا
شامبو وجل وكريم للجسم وعطرين وسيتيال – تم استخدامهم جميعا
فوطة استحمام – تم استخدامها لاحقا للف الاشيا المعرضه للكسر
مقص صغييييييييير مع عدة للحواجب والاظافر من دايسو – تم استخدامها مرتين فقط
شنطة صغيره تحتوي على كولكشن مكياج درجات الوردي ودرجات البني جلوس وشادو وبلاشر بالاضافه لفاونديشن خفيف جدا وقلم كحل من ميك اب فور ايفر وماسكارا ماركة جيرلان ومرطب شفايف من الصيدليه
غسول للوجه وكريم للوجه ديرمازيلان (اسباني) وكريم للشمس (سن بلوك 50 او اكثر) ماركة نيوتروجينا
ساعتين لليد عمليات
شنطه صغيره للجوازات والتذاكر وحجوزات الفنادق واي اوراق مهمه للسفر) وتكون في الهاند باج
مصحف صغير وكتيب ادعيه صغير وسجادة صلاه من النوع الخفيف
شاحن للموبايل
مشط ولوازم نسائيه
لم يتم اخذ اي ذهب او مجوهرات او دبل
هذا اللي اذكره.. وياليت العرايس اللي رجعوا من شهر العسل يفيدونا بالاشيا اللي ما استفادوا منها
ولا تنسون يا خواتي انج بتروحين بلاد مب منقطعه يعني اكيد بتشترين من هناك شي اذا احتجتيه
انتظر رأيكم خواتي
بالفعل نحن محتايين لنصايحكن ^_^
لذلك لا داعي لحمل الكثير منها .
انا سألوني لو أبا شهر…رفضت و قلت اسبوعين يسدون لن بس شخصين فبنمل… شو رايكم؟
الشي الثاني..فعلا اختي كنتي شالة وايد أغراض..و أتفق ويا الإخت إلي قالت أحسن نشل شوي و نشتري و نحن مسافرين..لني الحينة يوم اسافر ويا الأهل جي أسوي..متعه 
المشاركة الأصلية كتبت بواسطة وحدة_كووول 
انا سألوني لو أبا شهر…رفضت و قلت اسبوعين يسدون لن بس شخصين فبنمل… شو رايكم؟
الشي الثاني..فعلا اختي كنتي شالة وايد أغراض..و أتفق ويا الإخت إلي قالت أحسن نشل شوي و نشتري و نحن مسافرين..لني الحينة يوم اسافر ويا الأهل جي أسوي..متعه
هلا اختي.. بخصوص الملل صراحه انا وريلي شغلنا مرهق وايد وما طلعنا اجازة عدله من سنين.. تصدقين تمنينا لو كملنا شهرين برا مب واحد وشوي يعني استغلينا شهر العسل كإجازة بعيد عن الناس والشغل..
ومثل ما ذكرت في نهاية موضوعي.. البلادين اللي بنسافر لها مب صحرا والا غابه مافيها محلات.. كل شي موجود وتلاقينه وهذا اللي حبيت انوه له