أولا حبيت أشكر الأخت اللي عرضت الموضوع بس في كثير من النقاط فيها غلط كبير
أول شي الغاليه النقل مايكلف 200 درهم تعرفين ليش لان بعض المحلات مخازنها في الشارقة و عيمان ودبي و بوظبي و العين و يختلف من محل لثاني و يعتمد الكوشه وين بتتركب و كم مسحاتها
يعني لو بتركبين كوشه في بوظبي و انت مخزنج في عيمان البي كم الوحده تكلفج 700 درهم رايح و 700 درهم راجع و اذا الكوشه عرضها 20 متر و ارتفاعها 6 متر تحتاجين ل 3 بكب يعني الحساب 4200
النقطة الثانية بخصوص العمال و النجار اللي هو السوبر فايز و يشرف ع العمل لان هذا تركيب كوشه مش لعبه يباله ثبات
العامل الواحد يكلف 200 درهم للتركيب و 200 درهم للفتح يعني اقل شي 4 عمال 4*400= 1600
و 1000 للنجار ع كل كوشه هذه عموله غير المعاشات الشهريه
و بخصوص يزيدون لوح يمين و لوح يسار عشان يساون الكوشه ف اسمحي لي معلومتج غلط لان اللي يركب بلويت ماينقص هذا قياسه2.40 * 1.20
و الستيج الواحد اللي يقولج 12 و 14 و 16 و 18 و 20 مايكون القياس بالضيط ممكن يزيد او يقل بقياس البلويت و للعلم الستيج مايتحمل اكثر عن سنتين و بذات اللي قواعده خشب مش حديد و تكلفت التصنيع اذا الخشب اندونسي 125 سعر اللوح غير شغل النجار يعني المسرح ممكن يكلف 30 الف ل 40 الف حسب حجمة و المحلات الكبيره اقل شيء عندها 3 مسارح
بخصوص التنجيد و الستاير و الفلين و الزجاج و غيره و غيره يفرق من محل لثاني لان في محلات تستخدم نفس القطع الف مره و هذيل الكوش اللي ب 8000 و 10 الف الكوشه كلها كيك و زيت و بقع من العرس اللي قبل
لكن المحلات الكبيره ماتستخدم القطع و الاكسسورات اذا فيها عيوب
بخصوص الورد ابشرج هو مايستبدل الورد الغالي ع قولتج مثل الأوركيد و الروز بالكرنشين لا حبيبتي بستخدم لج ورد ملقط من عرس البارحه و رحيته خايسه لانه ماغير الأوسيز ( الفلين الأخضر اللي ينغرس فيه الورد) و تره الروز و الأوركيد وايد رخيص لا يغيرج وايد أنا راعية محل ورد اذا تبين الورد الغالي في انواع تنباع الحبه ب 50 درهم و عندج الكالا و الكزبلانكا والليلي هذا الور الغالي
و اذا تحبين معلومات زياده انا ممكن افيدج و أكثر بس الكوشه اللي تطلع ب 50الف مرات المحل مايطلع ب 2024 درهم فايده
و لا تنسين في اجار محل و اجار مخزن و مصمم و تصنيع و معاشات و اعلانات و مصاريف مالها اخر يوم بتدخلين المجال بتعرفين
تحياتي للجميع
الشعاليه