اول حبيت اخبركم عن تجهيزاتي لعرسي وهو 14/6 يعني بعد اقل من اسبوووووعين قلبي طاح
وحبيت اقولكم تجهيزاتي عسب تقولولي شو ناقصني وشو الي حلو وشو الي اغير وعشان الكل يستفيد
وكل وحده تخبرنا عنها ومتى عرسها عشان الاستفاده تعم الجمييييع
أولا:
اانا من راس الخيمة وعرسي في بوظبي وااااايد تعب الصراحة
عرسي بيكون في البيتش روتانا في بوظبي (حيااااااكم)
الصالون بعد عنااااء طويل اخترت صالون بيوتي بلاس (مريم بكري) الصراحة انا شفت ميكبها كذا مرة وشفته حلو واااايد واختي مرة سوت عندها وطلع حلو بس امس يوم سويت البروفة مادري كنت خايفة بس هي يلست الطن فيني وقالت في العرس بيكون شي ثاني هذي بس شي بسيط فيالت حد يقولي هو صدق البروفة مايعتنون فيها وايد ولا شو بالظبط؟؟؟
الباقة يبت مسكة وسويت باقة انشالله تطلع حلوة عند اماني الي بالنادي السياحي بتكون لونها بنفسجي وووردي واف وايد (حلو)؟؟ لان مكياجي بيكون بنفسجي
الكوشة لونها بنفسجي وتعبت وايد وانا ادور على كوشه حلو وخليت فيها كريستالات على قولتهم الكرستالات موضه هالايام في الكوش (بس الصراحة وايد غالية مستويه الكوش)
الحنه محترة اسويها عند قمر في الشارجة ( وااايد اتمدحو فيه) ولا جورجي في راك الي تعرف تنصحني
بس انا الاكيد مابقولهم عروس لان سألتهم العروس قالولي 2024 يعني خبال مستحيل الحنه نفس الشي نحن كل اهلنا يحنون ويقولون يقصون عليكم يعني ياعرايس اذا تبغون وخايفين قولو ملجة على الاقل وهذا الي بسويه بقول ملحة واكيد بتحليه
بالنسبة للاكسسوارات بلبس تاج وحركة سلاسل في اليد حلوة ومادري محتارة البس عقد او لا لان التراجي كبيرة وحلوة
الزهبة خلاص حطيت الشنط حلها بشنط وديه اونه خخخ بس وحده غير 6شنط بس ماادري يقولون لازم انسوي حركات اونه بس انا ماسويت شي خخخ ماادري قولولي شو بيسون؟؟؟
بالنسبة لشنطة السفر حطيت فيها 10 قمصان نوم و12 قميص و3جينزات وتنورة وبنطلون ابيض
يعني لان وااايد بنمشي فخذيت الخفايف ويمكن اخذ فستان قصير كيوت خفيف ماادري
وطبعا غير ملابس الصلاه (والاندر وييير) واوني مطقمة مع الملابس كل واحد واونه خخخ
وفصلت عباه ساده وماتكون طويله وايد لان ماشالله نحن وايد انطول عبايتنا ونلبس كعب شو طوله ماقدر البسه في السفر ففصل عباه شويه اقصر وقصرت وحده بعد
واذا ناسيه شي خبروني بخصوص السفر لان وااايد مشغولة واحس اني ناسية اشياء
بخصوص التجهيزات انا سويت كورس تبيض وتنظيف بشرة وابشركم ماستفدت منه شي خخخ ولا سرت عند وحده معروفة فنصيحة لايقصون عليكم وايد يعني مرة مرتين بالكثير
وبسوي حمام مغربي هالاسبوع والاسبوع الياي
وبنسبة للحلاوة اليد و الريول اكيد صالون بس الاماكن الثانية يبت مخدر من الصيدلية اسمه املا اربيعتي على ذمتها هي عرست قبل شهرين قالت استخدمته وحطته ساعة وبعد الساعة شلت قالت الالم 60% اخف يعني الم تقدرين تتحملين وقلت بجرب
وصح كل يوم احط على ويهي روب والله ترى مفي وعن تجربية استخموه اذا مافاد اكيد مابيضر وانشالله بتدعولي حطو من نص ساعة الاساعة وخيار على العيون يقولون يخفف السواد
هذا الي اتذكره ادعولي اكون حلوة يوم العرس لاني خايفة واااايد
وانشالله اتوفه في زواجي وعقبالكم يارب
ويلا خبروني عنكم لان كلنا بنستفيد جيه وسلام
واي وحده تبغي تستفسر عن شي انشالله برد عليها لان انا سته كاملة ملجة وحفظت اسواق الدوله كلها دبي والشارجة وبوظبي وراك
اذا محتارة بكوشة بعطيج اهم الاسامي وارقاها وبسعر معقول
اذا صالون
عطور
يعني جميع الاستلزامات ويعني شو الصعوبات الي بتحصلينها وشو تيبين وشو ماتيبين
وبخصوص البروفا هي ما يهتمون فيها كثر العرس^-^
والله يتمم لج على خير حبيبتي
..
ربي يوفقج حبيبتي ويتمم لج كل شي ع خير ان شاءالله
..
بس انتي من رااك ليش عرسج بوظبي يا حليلج تعب عليج..بتنور بوظبي دام بتعرسين عندنا هع
..
وين سويتي كوشتج..؟
..
وعطيني اسامي محلات كوش تكون روووووعه واسعارها حلوه..
..
و لا تحاتيين وااايد فديتج
..
أنا بعد بسوي الميكب عند مريم البكري ان شاءالله
..
وربيه يوفقج وتكونين قادره انج تسعدين بو الشباب
ولا تمين تفكرين واايد .. وكل ما اتذكرتي شي جهزيه .. ولا تحاتين ان شاءالله بتطلعين حلوه وقمر بعد ^^
وربي يوفقج ويتتمم لج على خير وييسر لج اموورج ياارب العالمين ^^