لسته بتجهيزات العروس (= لاناقة المرأة

حبيت اكتب لسته وارتب اموري وزهابيه قبل كل شي وخلاف اسير اتشرى واشطب
ع راحتيه

فاللي حابه هاي لسته بالتجهيزات طبعا زيدن عليها اسامي المحلات والميزانيه
عشان خلاف ما توهقن .. انجين هههه

الكنادير

• المخاوير
• الجلابيات العادية
• جلابيات الغرفه

الفساتين

• فساتين (في حالة سرتي عرس او حفله)

المغربيات

• فخمات
• عاديات

البدلات

• تنانير وقمصان اطقم للكشخه ( في حالة سفرج تحتايين عدد زياده)
• بناطلين جنز (حلو تغيرين لريلج )
• بديات ملونه للجنز

الشيل

• شيل البيت (شيل الصفوة وايد كشخه يطلعن مميزات صدق)
• شيل صلاة (خذيلج جم من وحده عسب لو حد من هله ولا خواته ين عندج وقت الصلاة)
• شيل ملونه دلع (صغيرونات وبيفيدنج وايد لو كنتي بتسافرين وبعد لو كانت عندج عباه ساده ممكن تلبسينهن وياها اذا لونهن غامج)
• لا تشترين شيل سود منقشات بدون عبيهن لأنه مب حلوه العباه شكل والشيله شكل

العبي (اطقم)

• عبي مفتوحه (كاشخه بس مب بزياده خذي نقشات بسيطه وراقيه في نفس الوقت لأنه العبي الربشه مابترومين
تستفيدين منهن بعد شهر من العرس!! بتحسين عمرج اوفر بزياده))
• عبي مسكره (نفس الشي فصليهن راقيات وبسيطات)

الشنط

• شنط الايدين (لا تاخذين الوان بزياده وبعد لا تاخذينهن فيهن وايد ربشه كل ما كنتي بسيطه في شنطتج وتشكيلتها
راقيه بتكونين وايد احلا لأنه موووووضه جدييييييييمه لي تشل شطنه جنها رايحه عرس!!)
• شنط للمكياج (وحده كبيره تخلينها في البيت وخذيلج وحده صغيرونه عمليه اذا رحتي مكان لمدة يوم او يومين
تشلين فيها الاشياء الضروريه بس)
• شنطه صغيره تشبه شنط المكياج عسب تخلين فيها (ملقط ، مقصة الاظافر ، مبرد ، وخيط لو كنتي تسوين خيط بروحج
فالبيت مب فالصالون ، مقص صغيروني)
• شنط كباااار تخلين فيها زهبتج

النعول (عزكن الله)

• النعول الكشخه للطلعات ( خذي الوان اساسية لا تعنقشين مثل الاسود ابيض بني احمر مب فاقع حلو الوردي
بس مب عملي وايد))
• نعول البيت (خذيلج جم من وحده)
• نعول للحمام
• سليبرات (هذا ع راحتج بس انا وايد احبهن فخذيت اشكال دلع منهن)

الاكسسوارات ( ونصيحه خذنهن آخر شي عسب تعرفن اطقمن ويا المخاوير والبدل .. الخ )

• خذي اكسسوارات ملونه عسب مع كل لبسه تلبسين اكسسوار حتى لو كان خاتم او حلق
• ساعات
• خواتم , حلق , خلخال (تراه دلع فالريل يكون) ، اساور لليدين

الشباصات

• على الوان ملابسج وحتى قمصان نومج مب دوم بتمين فاتحه شعرج بس حلو يكون لون الشباصه نفس لون اللبس
• كبار وصغار

الملابس الداخليه

• ستيانات ملونات ودلع وبالعادة يكونن طقم عسب تلبسينهن تحت قميص النوم او حتى (بدونه) لمهم يكونن
ملونات ودانتيل كشخه
• ستيانات عمليات ومعظمهن لونهن اسود وبيج وابيض (تحت كناديرج وملابسج العاديه)
• شلح عسب لو كانت عندج كندورة ويل او شفافه شويه تلبسينهن تحتهن
• صراويل (عني ماخذيت ماحب البسهن بو دق حر وفطيسه خذيت الصراويل القطنيات اللي فيهن دانتيل خفيف تحت)
• خذي شورتات فوق الركبه مريحات وايد
• مشد للبطن (مب شرط دبه او ضعيفه بس يشد جسمج وتكون مشيتج وايد غير وحتى يلستج)

قمصان النوم

• قمصان نوم طويلة
• قمصان نوم قصيره
• بناطلين وقمصان مريحات

العطور

• عطور فرنسيه
• عطور عربيه
• عطور رجاليه (لريلج يوم بتدخنين ملابسه)
• دهن عود
• مخمريه
• عطر فراش
• عطر صغيروني للشنطتج

الدخون

• عود
• عود معطر
• معمول

الميك اب

• فاونديشن
• بودره
• كونسيلر
• بلشر (وردي برتغالي ترابي)
• مسكرا (سودا وزرقا)
• أي شدو (كل الالوان)
• الاينر
• جحال قلم (اسود ازرق تركواز اخضر)
• محددات
• جلوسات
• روجات مات
• جلترات (فحالة رحتي عرس وتمكيجتي بروحج)
• فرش (انواع وايد للاشدو للبلشر ووايد وايد روحي لماك وايد حلوه مجموعتهم)

الكريمات

• كريم واقي للشمس
• مرطب للوجه
• Milk تنظيف البشره
• تونك بعد الـMilk
• لوشن للجسم كامل بعد الاستحمام (ريحته وايد حلوه)
• مرطب لليدين والرجلين
• كريم للشعر
• مناديل تنظيف الميك اب
• مشقر
• شفرات
• حلاوه للشعر

شغلات الحمام (وانتن بكرامه)

• شامبو
• بلسم
• صابون سائل للجسم مع الليفه
• صابون عادي لليدين
• صابون مغربي (اذا كنتي تسوين بروحج فالبيت)
• ليفة الصابون المغربي الخشنه السودا
• سكراب للوجه
• سكراب للجسم
• فوط (كبيرة وصغيره وخذي لريلج بيشوفها حركه حلوه منج)
• فرش اسنان (لج ولريلج)
• معجون الاسنان
• مضمضه بعد المعجون ( تخلي نصخج حلوه ريحته لو كنتي ناشه من الرقاد)
• فوط صحيه (يوميه وشهريه)
• غطا للشعر في حالة ماتريدين تغسلينه
• خذي جم من شمعه وورود صناعية وحركات رومانسيه وبروحج رتبي الحمام (بيستانس عليج ريلج)
• روب (بعد السبوح مب لازم تلبسين ملابسج فالحمام البسيه وتلبسي في غرفتج عسب شويه تعطرين جسمج
رشه خفيفه وتتلبسين وتم الريحه فيج)
• مزيل العرق ( شبه )
• رغوة (فاجئي ريلج واترسيله البانيو وخلي فيه الرغوه وانثري عليها ورد صناعي رووعه بيتسانس وايد)

البوكسات

• بوكس كبيييير تخلين فيه كل شيلج بعد ما ادخنينهن وتعطرينهن واتم ريحتهن جنان وفي نفس الوقت تحافظين عليهن
• بوكس تخلين فيه تغليفات هدايا وبطايق رومانسيه مع اقلامه ملونه عسب اذا سويتي هدية لريلج ما تتوهقين
فالطلعه او روحة المكتبه ولا غيرها
• سله تخلين فيها كريماتج على التسريحه

الكهربائيات

• آلة ازالة الشعر
• سشوار
• مجفف للشعر
• مشط , مقص .. الخ

الاغراض الباجيه

• شرشف للسرير (عذوقج)
• هدية لريلج (عطور ساعه أي شي تعطينه اول ليلة يوم تكونون بروحكم)
• سيادات صلاة + قرآن

وهلم جرا هههههه شدن حيلكن ودعواتكن الطيبه ربيه يوفقكن (=