مرحبا خواتي شحالكن عساكن بخير ؟؟؟
خواتي اليوم حبيت اطرح موضوع كلنا نستفيد منه ..
خواتي اكيد كل وحده منكن عندها خوات واخوان وعيال .. واكيد بيوم من الايام كانت تدرسهم ومازالت ..
وبغيت هنا بهالموضوع .. ان كل وحده تحط طريقتها في التدريس ..
انا عندي اخوو بصف اول ومهتمه بتدريسه .. بس اعتماده اعتماد كلي علي ..
ودي اعلمه كيف اخليه يدرس بروحه ويحل واجباته …من غير ما اساعده
ودي اياه يعرف ان هالوقت وقت دراسه ومن روحه يبدا يحل واجباته
لانه لو ما بدا بنفسه عمره ما راح يدرس بروحه وبيعتمد على غيره .. وهالشي شفته في خواني الي اكبر منه ..
الي اكبر منه الحين باعدادي واعتماد كبير علينا انا وخواتي في تدريسهم…
ومثل ما تعرفن البعض يحس ان الدراسه هم .. لان نحن ما نحبها وانحس مرات مجبورين عليها
لكن الي يحبها تشوفونه يبدع فيها ويتميز فيها
اسئلتي لكن خواتي ..
كيف نقدر نحبب العيال في الدراسه ؟؟
كيف نقدر نخليهم يستمتعون بالدراسه يوم يدرسون ؟؟ سواء كبار او صغار
كيف ونحن ندرسهم نثبت المعلومه عندهم وما ينسونها ؟؟ << شو طريقتكن في التدريس
كيف نخليهم ينضبطون في دراستهم وكل واحد يعتمد على عمره ؟؟
وربي يوفق عيالنا وعيالكم بدروووسهم يارب
يحب الدراسة أشتري لعبه لو أرخيصة وخليها عندج بدون إن يعرف وبعدين يوم تعلمينه ويحل الواجبات صح أنتي بعد تابعي وياه في الحل يوم بيحل الصح قولي عندي هدية حلوه حقك بس أسمع كلامي وقت المذاكره والغاليه أشتري له سي دي للكمبيوتر يعلم الطفل القراءه الصحيحه يبعونه في مكتبات وفي بعد سي دي يعلم الأنجليزي وسي دي يعلم الرياضيات كله في مكتبه ولا تخلينه بروحي يذاكر وجذه الغاليه بيرسب مثل بنت خالتي أمها خلتها أذاكر بروحي وتحل الواجبات كلها غلط ورسبت بس المعلمه قالت حق بنت خالتي لأزم أتشوفين بنتج في الحل والمذاكرة والحفظ يوم بتوصل الأعدادي خليها تعتمد علي عمرها وأنتي لاحظيها بعد في المذاكره إذا شئ حفظ سمعيها إذا هي حافظة بس لأنها شاطره خليها بروحي أذاكر بس إذا ما عرفت الحل أنتي ساعديها .وأخوج في الصف الأول خليه يستخدم الكمبيوتر وطلعي له مواقع تعليميه وخلي يلعب في كمبيوتر وجذه بيحب الدراسة….أنا عندي بنت أختي يوم كانت في كجي 2 أول دخليتها معهد تتعلم الإنجليزي وحمدالله خذت الشهادة أمتياز وبعد خذت دورة كمبيوتر بعد خذت الشهادة أمتياز قبل ما تدخل الروضة وبعدين يوم دخلت الروضة ما شاء الله عليها حافظه الحروف والكلمات بالإنجليزي كلها حتي معلمة فرحانه فيها وقالت ما شاء الله حافظه خبرت معلمتها إن أنا دخليتها معهد تاخذ دورة الأنجليزي فيه أمتحانات وحفظ حتي دورة كمبيوتر فيه أمتحانات وحفظ وأنا أساعدها وقالت المعلمة والله زين علشان تستانس في الدراسة ما تكون متعرف شئ وحمدالله أنا أدرس بنت أختي وهي الحين في الصف الرابع الأبتدائي
ماشاء الله عليها من الأوائل لأن أدرسها أول بأول ويعطونها شهادات تقدير من كانت في الروضة…. يعني تشترك في المسابقات والرسم وكمبيوتر وكل شئ وحمدالله أنها شاطره لأني أذاكر لها أول بأول وحمدالله رب العالمين….
طريقه تدريسكم رائعه ..وانا جربت بعض الطرق منها