وايد حلو شغله…
ياليت الي تعرف ماتبخل علينا
البنااات مابيقصروووون بيساعدوونا اكييييد ^^
هلا فيج الغالية .. بالنسبة للمحل اللي كانت تطريه الأخت اسمه – ورود
موجود في ابتاون .. و هو تابع لمحلات انترا فلورا اللي في جميرا لو تعرفينهم
يعني .. اثنينهم فنانين في هالسوالف .. بس أسعارهم مب رخيصة ..
و بالنسبة لمحل جون اللي طرته أختي نبض قلبي .. هو موجود في ابوهيل .. حذال محل جنائن حفيت للورود ..
بس شغل جون وايد وايد حلو .. انا دوم اتعامل وياهم و فنانين الصراحة .. و اسعارهم مناسبة .. و شغلهم أحلى من شغل جناين حفيت
و بعد بتحصلين في فسيتفال سيتي .. صوب باب ايكيا .. بتحصلين مثل كورنر صغير فيه محل ورود .. انا تعاملت وياهم حق الهدايا .. شغلهم بعد مرتب .. و عندهم ورشة كاملة في ام الرمول .. و عندي البيزنس كارد مال الحرمة صاحبة المحل .. لو تبين رمسيها .. هي شكلها متحمسه حق هالسوالف .. حتى قالت لي يوم تبين ترتيب الورود حق عرسج .. لفي على كل المحلات و عقب تعالي عندي و بعطيج سعر ممتاز ..
اتوكلي على الله .. و ان شاءالله يظبطون لج المسكة و تطلعين احلى عروس
السموحة