السلام عليكم
بغيت اسئلكم حد عنده فكره وين يبيعون
الورس والنيل الاصلي فبوظبي يعني عطوني اسم المحل ومكانه
وياليت تخبروني كيف طريقه استخدامه بالضبط
يقولون وايد زين ومفيد حق العرايس
ياليت الي جربته تقولنا تجربتها عسب كل العرايس يستفيدون
ومشكورين مقدما .gif "12 (43)")
المشاركة الأصلية كتبت بواسطة احتاجك.. 
السموحه الغالية
المكاااان اكيد بتحصلينه عند العطار او اي محل للأعشااااب
استخدااامه اللي اعرفه وانا جربته …
تييبين الورس والنيله مع كركم للجسم ..وتخلطينهم مع ماااي ورد ..
تدخلين المسبح وترشين ع جسمج ماااي وتبدين تحطين من الخلطه ..وتكونين مشغله الماي الحار عسب يعطيج بخااار وتفركين جسمج بليفه مغربيه وتخلينه ساااعه ….وعقب تسبحين عااادري …
وان شاء الله اكون فدتج ..
وامي تخبرني بعد انها كانت تحط منه قبل عرسها بشهر كل يوم
ويبيض وايد ويساوي لون الجسم
كشخه احساس حلو يوم تتزهبين للعرس
الورس والنيل والكركم من ايدادنا الاوليين اللي كانوا يحطونه قبل العرس بشهر لانه ما كان عندهم حمام مغربي ومن هالحركات اللي اليوم عندنا ويتلطخون به حتى مو شرط يسبحن يوميا المهم يتوضوا للصلاة ويتغسلن ويزدن عليه اذا طار اللون بس بصراحة انا مجربتنه قبل عرسي وايد نفعني وتحسين بشي حلو انج عروس وتتجهزين وتبذلين ميهود وحتى انهم يلبسون البرقع الكبير يغطي الويه كامل علشان ما يشوفون جمالج إلا ليلة العرس حتى ليلة الحنا تكون لابسه البرقع الكبير بصراحة انا لبسته ليلة حنتي
وسلامتكم