شحالكن خواتي عساكم بخيرررررررررررررر وسهاله دوووووووووووم
يا الغاليات نحن متوهقين عرس اختيه وخويه قرررريب
ابى اطلع احلى وحده بالعرس وخواتيه بعد بس موعارفين كيف
شورن عليه افصل وشوافصل شو الدارج الحين منفوش او مكسي او كلاسيك او سمكة ؟((عرسهم بالصيف)) ان شاء الله
او اشتري ووين الاقي فستان كشخه حق عرس اختيه وشو اللوان الدارجه احين ؟
عسى ماطولت عليكن
وجزاه الله خيرر اللبترد عليه وبتبرد قلبيه
^.^
اذا انتي من العين شوفي وليد اللي عدال كارفور .. اسعاره تبداا من 4000 اناا عن نفسي ماحبه مادري ليش كل البنات عافدين عليه ..
عندج بعد المصممه جميله .. هاي رحناا لهاا بس بعدنا ماقررناا ورسيناا على بر .. يسدج التعامل ويااهاا بتحسين براحه .. تقولج شو اللي دارج ف الاعراس وشو الالوان اللي تناسبج حتى جسمج وطولج تراعيه وتقولج شو الانسب لج .. واسعارهاا بعد فنانه .. 2000 وفوق بس ترااه حتى بو 2000 وايد روعه .. وبعد ادلج ع المحل االلي تيبين منه رقع اذا مافيج اتحوصين وتلوصين بين محلات القطع ^^
واشووفه بدري انج تفصلين من الحين .. عاد مادريبه عرسكم اي شهر عندج 6 و 7 و 8 .. توووناا ف 4 ^^
انشالله تكونين ف ابهى حلتك الغاليه ^.^
وجزاكم الله كل خيررررررررررررر ع المرور
وتريى الباقيات
حبيبتي جربي تروحين عند كذا مصمم و شوفي الموديلات حتى لو ما بتفصلين و بعدين اختاري الموديل او القصه و فصلي عند اي مصمم مناسب .. و النعول مميزة من عندي لا تنسين ..
اولا مبروكين ان شاء الله
البنفسجي الغامج والخضر والبرتقالي بعد اولان دارجة
اختي فصلت فستان بنفسجي سادة غامج من قطعتين حرير وشيفون – نفس الدرجة – والتصميم ايلي صعب – بس محل الخياطة اسمه شيورا في دبي – بيفصله ب 4500