بدعي لها من كل قلبي الي بتساعدني ،،افكار لحفلة الملجة لاناقة المرأة

ابي افكار حلوة لحفلة المجلة وابي شي حلو واقتراحات حلوة ، ولين الحين مب عارفة اذا نسوي حفلة الملجة في البيت ولا وين ؟
وياريت تحطون لي صور يسهل علي
أنتظر الخبيرات الحبوبات وصاحبات الافكار المبدعة فديتهن والله

مرحبا الغلا .. حبيت اساعدج ولو بشي بسيط ممكن تسويتها في البيت اذا في مكان يكفي وتسوينها مع الكوشه اذا حبيتي .. وبالتوفيق

انا افظل انج اتسوينها فالبيت عن الخساير وخلي ملجتج بسيطه قد ما تقدرين عسب الناس يحسون بالفرق بين الملجه والعرس وعسب بعد اتوفرين شوي من البيزات حق العرس انا هالكلمه سمعتها من وايد من ربيعاتي المعرسات وسوو ملجه بعظهم ندمو انهم صرفو بيزات وايد على الملجه

هذا رايي وانتي على راحتج (( لا تنسيني بدعواتج .. بالزوج الصالح ..))

لي رجعه وبحطلج كم صوره

سوي فالبيت اذا كانت عندج مساحه فاضية فالبيت …
اولاَ الكوشه : لاتسوينها عاليه سويها بمستوى الارض بس شبر واحد اعلى عن الارض
خليها كلاسيكية بلا دفاشة … ولاتنسين الورود عالصوبين لأنها بتسويلج منظر وايد حلووو

ثانيا الطاولات : طبعا الطاولات يبالهمن شي بالنص .. تقدرين تشترين مثل الشموع الكبار او الابورات وتحطينهن فالنص وتنثرين عليهم الورود بشكل مرتب ..

ثالثا الكراسي: خذي شيفونات واربطي الكرسي مثل القاعات بيطلع حلو

ورابعا الفستان : لاتاخذين فستان بسيط ولا فستان دفش خذي بين البين لوول
ولاتنسين المسكه ..

هذا اللي سويته فملجتي .. والله يوفقج

هاذي الصور اللي وعدتج ابها
انشالله اتفيدج

.
.

.
.

.
.

.
.

.
.

.
.

.
.

.
.

………………………………………….. ………………………….

مشكورات خواتي
الله يحفظكن يارب ، وعقبال اختي ميرة ، عسى الله يرزقج على نياتج قولي امين