اللي تسير مركز الترا ليزر (سعاد لطفي) – بوظبي – تدخل

انا صارلي اسبوعين اتصل فالمركز عسب اخذ موعد جلسة ليزر لشعر الجسم ..

المهم لين اليوم و اخيرا حصلت موعد .. بس متخوفة .. !! بخبركن ليش ..

انا سامعة انه سعاد لطفي بتنتقل مكان يديد فالمشرف .. عقب يوم رمست الحرمة

و خذت عنها موعد سألتها اذا بيكونون انتقلوا و الا بعدهم جان تقوللي نفس المكان!!

بس سعاد انتقلت لانها تبا مكان اكبر و جيه !!

عقب قالتلي انه في جهاز ليزر يديد بنفس خواص القبلي بس احدث و فيه اشياء

زيادة .. و امسوين عليه خصم 3000 للجلسة بدل 3500 .. قالتلي لانه الليزر القبلي

كان حارق بشرة اكثر عن وحدة ..

انا قلتلها اوكي مب مشكلة و خذت الموعد بس عقب تم كلامها في بالي !!

ليش سعاد انتقلت بروحها يعني الترا ليزر مب تابع لها و الا شو السالفة !! و يوم قالتلي

انه الجهاز القبلي كان يحرق الجلد و جيه خوفتني !!

قلت يمكن سعاد طلعت عنهم و سارت بروحها عسب جيه يخربون و الا شو السالفة!!

لأن ربيعتي بادية جلسات ليزر من شهرين و دقولها و قالولها تعالي المكان اليديد !!!

يعني السالفة متضاربين و الا شو !! انا مافيني اتوهق عقب ..

فاللي تعرف السالفة ياليت تخبرنا..

هم قالولي الجهاز اليديد اسمه palomar starlux 500 .. و قالولي اسوي عنه سيرج و سويت و كل شي
مكتوب اوكي… بس انا ابا تجارب البنات اللي استخدمنه اضمن من كلام المواقع ..

المشكلة انا عندي الحين موعدين واحد عند سعاد اللي هو باجر و الثاني عند الترا ليزر يوم السبت ..

شكلي بستخير اليوم و بتوكل على الله ..