اريد تخبروني شو رايكم لاني حرقت شعري وجلدة الراس محمره وملتهبه والسبب صبغت شعري في البيت لاني اخذت الصبغه من عندي نزيه
وطاح شعري كم تندمت على اني صبغت شعري في البيت مع العلم اني مش اول مره بس سبحان الله ما اعرف شو صار الصدمه انا قاعده اخسله قام يطيح بكثره
ورحت الصالون وقالت اريدعلاج فتره وبدت من امس لكن اريد رايكم هل هناك علاجات ثانيه لانه وايد ناشف مع العلم شعري دهني
هذه الماركهschwarzkopf
الاخصائيه اعطتني علاج حق الحساسه الراس من الصبغه
بس اريد اعرف كم اريد وقت حتى يرجع شعري مثل ما كان وقالت لي ما احط اي زيوت صراحه في الفحص تروعت لما شفت الجلده وايد متاثره
تحياتي وانتظر الردود اذا احد صار معه مثلي
اختي انا حاسه فيج لاني سويت حق بنتي تمليس و احترقت عندها فروة الراس وقامت تطلع مثل القشره و البنت قامت تصيح من الالم . المهم بالنسبه للحرق استخدمي كريم طبيعي اسمه ميبو موجود في الصيدليات وهو يدخل فيه العسل و زيت السمسم و حطيه ثلاث مرات على مكان الحرق و بيخوز ان شاء الله بس يبا فتره ممكن اسبوع . اما بالنسبه لتساقط الشعر فالافضل انج تتعالجين عند دكتورة جلديه لان اغلب الظن هي الصبغه الحاره بس ان شاء الله راح يرجع ينمو لاتخافين . اما بالنسبه لهذه الماركه الي خذتيها من الصالون تراها في كل صالون و هي مب طبيه و صدقيني الي يشتغلن في الصالون مب متخصصات في هذا المجال و همهن يبيعن المنتج بس . نصيحه لاتعبين شعرج زياده بهذه المواد و عرضي نفسج على اختصاصيه جلديه و هن في كل مستشفي موجودات . و الله يشفيج .
حبوبه انا بعد شعري وايد اخترب وجف من بعد ما سويت سحب لون وصبغته اشقر بس الحينه اعالجه بمنتجات كريستاس وايد اوكي اسويه في صالون باتشي اي لوشي
الله يحفظكم
ما عليكن شر ان شاء الله
السموحه ما اعرف
اي ماركة حمام زيت بوناويل هاللي اعرفه
دامج من العين عرفت عن اي صالون ترمسين في الجيمي…لان ما في صالون ثاني غيره يستخدم منتج شوارسكوف…هذا المنتج الماني وااايد زين بس مب كل منتجاته…
لا يقصون عليج انا رحت اتعالج عن تساقط الشعر عندهم قبل عرسي ودفعت 1000 درهم في خلال شهر ع المنتجات هذي بس بدون فايدة…
المنتجين الوحيدين اللي فادوني به…كريم حساسية الراس …وكريم عن القشرة بس…لا شامبو لا بلسم لا خرابيط الثانية …طبعا اكيد عرضوا عليج مجموعة كبيييييييييييرة بس لا تتغترين…احسن لج سيري عيادة جلدية علاجهم اظمن لج…
والله يسهل امرج