السلام عليكم ورحمة الله وبركاته
من اللي دارج هالسنه وحبيته هو "
موضة الظهر المكشوف "وهيه مب اي حد لايقه عليه…
تناسب اكثر شي اللي يكون ظهرها طويل واساسا طويله وطبعا مافيها كرش
فيه للي هن قصار او الظهر عندهن قصير ولكن تكون بحركه تناسبها من حيث طول الفتحه وعرضها وكيف تكون راكبه على الجسم نفسه
وفيه اللي مايحبن يطلعن ظهرهن ولكن الفكره نفسها يبن يطبقنها يقدرن يغطن الفتحه بتور او بدانتيل مخرم او دانتيل عادي لكن يكون حلو ومناسب انه ينحط على الظهر
هنيه بحط لكم كذا تصميم يوضح الفكره
هالستايل وااااايد حبيته وعندي ستايل شرات هالفكره بس شوي غير بس ان شاء الله اسوي شراته
هذا بعد حبيته
وهذا
وهذا اخر ستايل بعد حبيته
لكن بعض التصاميم مثل التصميم الاخير مايطلع الخصر زين لانه فتحت الظهر وايد عريضه وعاطيه الظهر امتلاء وقصر اكثر يعني لو قللت من عرض الفتحه برايي بيكون احلى
انتن شرايكن فيها؟ عاد ماتقولن حرام ومب حرام يعني بين الاهل وحريم مب عند الرياييل نطلعبها >>> هذا للردود السلبيه اللي بشوفها
بس نسيتي نقطه وهي نقطه لوعت جبدي
ان في بنات ظهرهم فيه حبوب او اثار حبوب او جدري
و تطلع ظهرها بكل ثقه وتارستنه كريم اساس
اول شي الكريم اساس يبين ويخيس اطراف الفتحه
و ثاني شي الحبوب بنظري تبرز اكثر
و العلامات او الاثار بدال لا تكون بنيه
تصير رماديه مع كريم الاساس
ف احسن حل انها تغطيه بدانتيل مخرم او تور
عشق طاهر بالعكس ماكنت ناستنها بس قلت اللي ماتحب تطلع ظهرها تغطيه بتور او دانتيل
لكن فعلا انا شفت هالحركه انها تروح تحط له كريم بس اكبر غلط لانه مستحيل يغطي هذا فرق مب شرات الويه وتفدرين تغطينه يعني يبين انج حاطه كريم والشكل يطلع غلط وبدل ماتطلع مرتبه بتكون مبهدله
وثل ماقلتي هالقصه تناسب بعد للي ظهرها صافي
واعتقد في اكسسوارات حق الظهر