شنطة Yves Saint Laurent اليديد ؟ حلوة ؟ "صور" أحدث موضة

صباح الخير

طبعا انا الحين صايرة اتعود قبل اخذ شي استشيركن هههههههه ماعليه استحملوني بنزل مواضيع وايد من هالتوعية بس لاني اثق في ذوقكن وايد و احب اعرف شو الدارج في هالفترة عسب امشي عليه و كلكن خير و بركة

anyway

بنات في خاطري اشتري شنطة عملية .. يعني ما فيها سحابات والا جيوب والا شي و تشيل اغراض و واسعة و راقية في نفس الوقت يعني ابا شنطة tote

ما بغيت اشتري لويس فيتون neverfull لانها وايد منتشرة و متكررة و بصراحة واااايد منها تقليد بايد كل حد ..

هن حلوات بس ابا شي يديد

فـ دورت و لقيت هالشنطة من ايف سان لوران اسمها نيو دوبل توت …
الحين بتعرفن ليش اسمها دوبل

neo double bag YSL

و ابا رايكن فيها اذا حلوة والا ما ترزى ؟

و هي عبارة عن جلد و فيها حرف الـ Y كبير لانه علامة Yves saint Laurent
و ميزتها انها تنلبس بلونين .. يعني من برا لون و بامكانج تجلبين بطانتها و تستوي لون ثاني ..
و شي وااااايد مجموعة الوان ..
انا في بالي الكحلي و الازرق الفلاش

تفضلن الصور و ابا رايكن بصراحة

و هاي بالشل

و هني يكون في داخلها بوك صغير منها و فيها تحطين فيه الاشيا اللي ممكن تضيع في الشنطة هههه يعني سويج او تلفون او منظرة

و هني لما تجلبين بطانتها تستوي باللون الازرق الفلاش اللي هو نازل موضة الموسم هاللون

و هاي بالتشكيلة البيج و يوم تنجلب تصير ذهبي لامع

ادري الشنطة كبيرة بس حق الطلعات العملية يعني و انا احب الصغير و المتوسط و الكبير احب انوع .. بس شو رايكم خاطري في الزرقا
انتظركن

من ysl
ysl muse two
ysl cabas chyc
ysl must two cabas tote
ysl chyc sholder bag

حلوين

شي TOTE BAG بعد من نفس الماركة بس هاذيج حرف الـ Y اللي يميزها يكون بلون مختلف عن لون الشنطة

أحس هاذيج حلوة أكثر

أنا بصراحة عندي LV Neverfull ووايد مرتاحة عليها

بس اللى حطيتي صورتها بعد حلوة ..

بس المشكلة في قصات العبي الجديدة احس اني صرت أتوهق اذا شليت النفر فووول لازم اشل شنطة سنسلتها طويلة …

موفقة …