محلات العبي بعجمان جديد

السلام عليكم شخباركم حبايبي

حبيت اسال عن محلات العبي الي بعجمان هل هي حلوة ديزايناتهم

ابي عبايات فيها قصات كشخه وجديدة ومميزة

وين ممكن الاقيها بعجمان وشو اماكن اخرى اقدر اروح لها غير عجمان

وبو هيل كيف عباياتهم !!!

واسعارهم بحدود كم ؟؟

لانه ببدي دوام وما مخيطه عبي واريد اجي الامارات عشان اشتري لي كم وحده ،،

كنت كثير طايحه بالشارقه بس حسيتهم الحين يبالغوا بالاسعار !!

وخبروني عجمان وبو هيل حلوة وانا عمري ما رحت لهم !!!

بصراحه ازيد اشتري 5 واخيط كم وحده

اعرف وحده تجيبهن وبصراحه كشخه الي تجيبهن ولما اسالها عن السعر رخاص بس ما تقول من وين ( فيس يبكي )

ويا ليت بنت الحلال الحبوبة الطيبة الي تفيدني لاني ما اي موديل يدش مزاجي احب القصات العراض الكشخه وكيف الاسعار معهم

فديتكن لا تردني ولا تكسروا لي خاطري حبايبي

وربي يوفقها ويعطيها الي تمناه الي تدلني وتفيدني وربي يرزقها من حيث لا تحتسب يا رب العالمين قادر يا كريم

هي الغلا عيمان عبيهم حلوه بس لازم تلفين وتدخلين اكثر من محل

لانه عادي تحصلين العباه نفسها عند اكثر من محل بس سعر مختلف ط
وركزي وايد ع الخياطه خليه يطلع لج من شغله لايغرج العباه السمبل لا لا لازم اشوفين شغله

انا جربت اللي صوب سوق الذهب شي محل اسمه الامتياز ها خياطته ميه ميه ومرات ايب موديلاات حلوه وشي العروس وبعد عندج صوب عماير الشيخ حمييد

دعواتج لي بالتوفيج

صح صح الاسعار مناسبه فسوق ذهب ارخص من عماير الشيخ حميد
ومرات تحصلين العباه نفسها فالمكانين ويكون فرق بالسعر

المهم سوق الذهب ابتداء من 200 الى 600 وع حسب الشغل

عماير اغلب العبي ب 350 و 450 وشي فوق ال 500

بس تظل اسعار العبي في عيمان الارخص لول

الله يوفقج يا رب ويرزقك من حيث لا تحتسبين وربي ينولك الي ف بالك بهالليل ويفرج عليك يارب

مشكوووووووورة فديتج

بس بسالج اذا بغيت اسال عن مكان العبي شو اقول لهم مثلا شو اقول لسايق التاكسي او اي حد شو اسمه المكان بالضبط بعجمان

فديتج حبيبتي حبيتك وربي يوفقك يالغلت وين ما تروحي تنفتح لك ابواب الخير يارب

آمين وياج يا رب

قوليله صوب سوق الذهب وهو بدل

اول ما بتوصلين هناك خل يجدم عقب محلات العبي عن يمينج وشمالج فكل بقعه

سيري بليل احسن عشب الجو ويمديج تدخلين اغلب المحلات

واذا بتسيرين صوب العماير قوليله عماير الشيخ حميد هالمنطقه قريبه من سوق الذهب

وفي حال تكسي مشفر ما يدل قوليله صوب لولو ماركت والمنامةهناك اشاير وتاخذين سيده صوب المنامه تمي سيده لين ما تطلع لج محلات العبي ع لاين واحد محل ورا محل لوول

بالتوفيج وان شالله تحصلين اللي يرضيج ويعيبج

مشكوره حبيبتي

وربي يوفقك ويفرح قلبك يارب عاجلا غير اجلا