انشالله عندي امتحان ايلس شهر تسعه في تقنيه العين للطلاب
وسجلت general tranning
حابه استفسر شو الصعوبات في امتحان الايلس وكيف تهيئين نفسج للامتحان
لا تخافين الامتحان سهل (ان شاءالله) انا كنت في التقنيه و امتحنته شهر 1 و نجحت فيه يبت 5 و الحمدالله تخرجت هالشهر 
والله يوفقج و لا تحاتين اهم شي تكونين مرتاحه نفسيا
بس حبيت اقول نقطه تراى امتحان الايلس بالحظظظظظظظظ والله يوفق البنات كلهن
ماعليج الا تاخذين تدريبات من الكليه و تيلسين تدربين عليه و تشوفين وين نقاط ضعفج
و حاولي اطورين من نفسج و خاصه فـالـreading سرعةالقرايه مطلوبه فـادربي عدل على القرايه السريعه
و اخذي listening و ادربي عليه وشوفي الكلمات الي تتكرر وايد فيه و دققي على الـ spelling لان بتتحاسبين عليه..
writing نفس الشي حاولي تستخدمين كلمات الربط بين الجمل مثل furthermore ,In addition ,Also , While و من هالكلمات و استخدمي Voc فيه نوع من الصعوبه علشان تبينين ان انتي متمكنه من الانجلش..
اما فـ المحادثه قولي الي تقدرين عليه و لا تسكتين لين ما الشخص الي بيمتحنج يقولج وقفي و كوني عاديه
لا تبينين انج مرتبكه..
توكلي على الله و سوي الي عليج وربي الموفق ان شاء الله..
^_^
ادرسي الجارتس و بس
و لاااازم وقت الامتحان اتكونين امركزه علي الشريط اللي بيشغلووولكم اياه.. و و السوال اللي يفوتج عاااادي عديه اهم شي اتكونين امتابعه التسجيل، و لا تتاخرين في السوال
الحمدالله انا امتحنت اكاديمي و بصرااحه انا خريجه من كذا سنه بس عشان الشغل حبيت ااخذ ايلتس و يبت فيه ٦.٥
الله يوفقج