الساعات الماركة –وصيانتهم تعالوا شوى أحدث موضة

بنات بغيت اسال اللى عندها ساعة شوبارد او رولكس– او بياجيه —- الخ
يعنى الساعات اللى قيمتهن من 20 الف وطالع اذا خلصت البطارية وين تعبون مرة ثانية
لازم الوكيل والا عادى اى مكان

اكيد تسيرين اي محلات يبيعون الرولكس
و عندج محلات رولكس روحهم و عندج محلات الصديقي و محلات الخوري
و نحن نتعامل اكثر مع رسول خوري !

اذا عندج الجرنتي خلاص يسون حقج سيري اي محلات يبيعون فيهم سوع رولكس و شوبارد !
و حتى في مردف ستي شي محل الصديقي بس حق الشوبارد و الرولكس .

و عندج في ستي سنتر محل رولكس .
حسج تروحين اي مكان روحي حق الوكيل نفسه ! لان هالمحلات العاديه يشحفون الساعه و يحطون لج بطاريات عاديه اما بطاريات الشوبارد و الرولكس يكونون من نوع ثاني !

مشكورة الغالية
بس بغيت اتخبرج محلات شوبارد وين فروعهم فى دبى غير عن وافى ما حصلتهم فى مول الامارات

بتحصلينه فدبي مول

وعموما السوع وايد تعمر =)

أحيد شي شوبارد في مول الامارات بس محلهم وايد صغير
و عندهم فرع في دبي مول

الوكيل المحل الاصلي ..
نحن عندنا سوع من زمااان مال سنشري ومن الغلايا .. الله يرحمه ابويه يايب النا كمبيه والوالده تعبت وهي ادور الوكيل .. اخر شي ودتهم محل كسرولها الجامه ><" .. والله اكبر قهر