عندي موضوع حابه اطرحه من زمان ………..لاني اكثر عن مره واجهته واستغربت من اللي صاير
طبعا الكل يعرف اني تاجرة فساتين ………سواء التأجير او التفصيل ……………….
والحمدلله انا في مجال الازياء من 5 سنوات ………..وصادفت امور كثيره في مجال تجارتي ………..بس اللي حاصل في الفتره الاخيره شي غريب اعتبره …
استــــــــــــــــغرب!!! ……..يوم البنت تطلب من اخوها يتصل فيني ويستفسر عن الفساتين والمصممين …………ولا الثانيه تطلب من ريلها يكلمني عسب تعرض فستان عرسها عندي ……….
والقهر ان الشاب يوم يتصل يستفسر عن الفساتين ..والاستايلات …….و شو القصات والالوان اللي عندج ………وتتعاملين مع مايكل ولا ازرا ولا اماتو ؟؟؟؟؟؟؟؟؟!!!!!!!!!!!!!!!
ولا بعد أول ما يتصلون يسألون معانا الأخت أم سلطان أو يذكرون اسمي؟؟؟!!
و في بعض الاحيان اسمع البنت احذال الريال ……..اتقوله اسألها عن الفستان الفلاني …او اي شي ثاني ؟!!!!!!!! و الريال متوهق وما يعرف شو يقول ؟؟؟
يعني انتي يا بنت ويا اخت ويا زوجه ……….كيف ترضين اتخلين اخوج ولا زوجج يكلم حرمه ولا بعد يسألها عن الفساتين والازياء والموضه !!!!!!!!!!!!!!!!
الريال شو عرفه عن الموضه وسوالف الحريم …………و في نفس الوقت انا على ويهي علامة استفهام وتعجب ………
و
اوقات اخاف ارد على استفسارات الشاب …..لان يمكن متصل عسب ياخذ معلومات عن موقع الفيلا او اي شي ثاني يدور في باله ……..ويلعوزني ………وانا ما فيا على المشاكل
بس المشكله ….في التجاره لازم يكون اسلوبج لبق …واتعرفين كيف تتعاملين مع جميع الفئات عسب تكسبين الزباين ………والصراحه يكون اسلوبي وايد جاف اذا الريال يرمسني واحاول اني اسكر عنه بسرعه بأي طريقه
شــــــــــو رايكم من اللي ذكرته ؟؟؟؟؟؟؟؟؟ وهل انتي اتأيدين ان اخوج او ابوج او ريلج يتصل في حرمه ويسألها عن سوالف اتخص الحريم؟؟؟؟؟؟؟؟؟ وهل هذا الشي عادي عندكم ولا لا؟؟؟؟؟؟ و شو شعورج اذا الريال اتصل فيج وسألج عن هاي الامور.؟؟؟ وكيف بتتعاملين معاه وبتردين على استفساراته؟؟؟؟؟
اتمنى الكل يتفــــــــــــاعل من الموضوع ….
الله يعينج
صدق قلة ادب انتي حرمة وتجارتج سوالف حريم شو يخص الريال في الموضوع …صدق ناس ما تستحي…
ما عليج فديتج صديهم وراويهم …اي مكالمة فيها ريال اعتذري وقولي لو تبون اي شي انا اتفاهم مع حريم فقط….
ما تعرفين ترا انا جربت يوم رقمج ينتشر خلااااص اتوقعي اتصالات من الشباب انا قبل طلعت رقم تجاري اذوني عليه اذية ومن يومها كنسلت الرقم وتوووووبه اعطي رقمي لحد
الصراحه الله يعينج حركاات حريم قرعه
حركات مالها داعي ..