الصيف بعده مطول
والسفر بعده مب وقته
لكن حبيت اطرح هالموضوع
للاستفاده
لاحظنا ان طلع شي اسمه
لبس السفر ؟؟؟؟؟؟
تنانير وقمصان
او
قميص طويل مع بنطلون
+
حجاب
الحين هاللبس مستحيل اى وحده فينا تلبسه اهنيه
في البلاد
لكن وقت السفر الاغلبية يلبسونه
والبعض متنقبات ومتغشيات في البلاد
وفي السفر لا بس يتحجبن
( ناهيكم عن الفئة اللى ما تتحجب بالمره )
الحين شو رايكم بهالشي ؟
ليش في السفر هالشي عادي ؟
وفي البلاد لا ؟
هل هالشي عيب
حرام ؟
تسوين هالشي ؟
شو لبس سفرج ؟
شو رايكم
شاركونا 
يعني حلال برع البلاد وفي البلاد عيب ومنقود ترا نفس الشى واغلبيتهم مواطنييييييييييين وعراب ^^
ولبسي تنانير _ قمصاااااااااااان _ سكارف وبس ^^
والله يهدى البنااااااات اللي يعقن العبي ..
الله يهدي بناتنا يارب
والسبب اني ما ألبس لبس السفر هنيه ..
لأنه العباه صارت من العادات والتقاليد .. والدليل انه خواتنا المحجبات من الجنسيات العربية ما يلبسونها ( يعني هن مب متسترات؟؟ ) .. وهييه مقتصرة على بنات الخليج ..
يعني لو لبست لبس السفر هنيه حتى لو كنت متسترة بيكون منقود !! ليش ؟؟ لأني مب لابسة عباه !! حتى لو كانت للشكل بس !!
وهاي موديل يصلح للسفر تفصلينه طويل وبدون حزام من مجموعة الكسندر ماكوين 2024الشتويهhttps://www.malakqtr.com/uploads/8fd8f5e668.jpg
يعني في دول متعودين على العباه يعني الوحده لو تلبس عباه يكون عادي
بس في دول لو تلبسين العباه ييلسيون يطالعونج و كل حد ياشر عليج
وخاصه الدول الاوروبيه في الوحده لو فصخت العباه تلبس شي ساتر تنوره واسعه على قميص واسع و تتحجب زين و تتستر
و انا احس اهم شي الستر سواء كان بعباه ولا لا
يعني نفس الحال في البلاد الي مب لابسه عباه تلفت النظر اكثر من اللي لابسه ترا برع العكس
و بالاخير كل وحده لها وجهة نظر ^_^